کولت .آذ نصرت کسمنلینین "سنه" شعیرینی تقدیم ائدیر:
سن، چیچک‌دن گؤزلسن،
چیچک دئییممی سنه؟
سینم‌ده‌کی اورکسه‌ن،
اورک دئییممی سنه؟

باهاریم‌سان،یازیم‌سان،
بلکه،تالع یازیمسان.
ان، ایستکلی آرزومسان،
دیلک دئییممی سنه؟

اورک یانیر، توتوشمور،
فیکریم،خیالیم چاشمیر.
اؤلّه‌م، هاوام چاتیشمیر،
گرک دئییممی سنه؟

یانیب، سؤنوب گلمیسه‌ن،
یئنه،دؤنوب گلمیسه‌ن.
گؤیدن ائنیب گلمیسه‌ن،
ملک دئییممی سنه؟

هئچ بیلمیرم نه سیرسه‌ن؟
عومودومو کسیرسن.
دؤرد بیر یانا اسیرسه‌ن،
کولک دئییممی سنه؟

چوخ منی سورغولادین،
عشقی‌می دوغرولادین.
آغلیمی اوغورلادین،
کلک دئییم‌می سنه؟

قفقازی چوخ قیرمیسان،
هی قصدینه دورموسان.
ائویمی اوچورموسان،
فلک دئییممی سنه؟