شرق ادبیاتینین دیرلی ادبیات نمونه‌لرین‌دن بیری «مین بیر گئجه» ناغیللار توپ‌لوسودور.

کولت. آذ خبر وئریر کی، یاخین شرق خالقلارینین مین ایللردن بری یاراتدیقلاری و چوخسایلی مؤلف، ترجمه‌چی و تدقیقات‌چیلار طرفین‌دن توپلانمیش ناغیللار توپلوسو فارسجا «هزار و یک شب»، عربجه ایسه «کیتاب آلف لایلا و الایلا» آدلانیر. اوریژینال الیازماسینین هئچ واخت تاپیلمادیغی حال‌دا، بو ناغیللار توپلوسونون بیزیم ائرانین ۸۰۰-۹۰۰-جو ایللرینه عایید اولدوغو سؤیلنیلیر.
«مین بیر گئجه» ناغیللارینین اساس سوژئت خطی بئله‌دیر: پادشاه اولان شهریار آروادلارین‌دان بیرینین خیانتین‌دن درین سارسیلیر و یئر اوزونون بوتون قادینلاردان قیصاص آلماق قرارینا گلیر. بئله کی، شهریار هر گون بیر قیزلا ائولنیر و ائولندیی قیزی سحری گون قتله یئتیریر. نؤوبه وزیرین عقل‌لی قیزی شهریزادا چاتیر. شهریزاد شاهین نیتینی آنلاییر و ائولندیکلری گئجه شاها ماراق‌لی بیر ناغیل دانیشیر، لاکین اونو سحره یاخین ان ماراق‌لی یئرین‌ده یاریمچیق بیتیریر. بئله‌لیکله، هر گئجه شاها یئنی بیر ناغیل سؤیله‌یه‌ن شهرزاد هر ناغیلی بئله‌جه تماملامامیش حال‌دا بیتیریر و هر دفعه یاریمچیق ناغی‌لی ایله اؤز حیاتینی خلاص ائدیر. احوالات بو مینواللا دوز ۱۰۰۱ گئجه داوام ائدیر و یئکون‌دا شهریزاد شاهین غضبین‌دن همیشه‌لیک قورتولا بیلیر، پادشاه اونو باغیشلاییر و خوشبخت عؤمور سورمه‌یه داوام ائدیرلر.
«مین بیر گئجه» ناغیللار توپلوسو دئمک اولار کی، بوتون دونیادا مشهوردور. ناغیللار سیلسیله‌سینه داخیل اولان بعضی ناغیللار ایسه دونیادا داها چوخ تانینماق‌دادیر. «علیبابا و قیرخ قولدور»، «سندبادین سیاحتی»، «الاعدینین سئهرلی چیراغی» و س. ناغیللار دونیادا داها چوخ مشهورلوق قازانماقلا برابر، اونلارین سوژئتی اساسین‌دا فیلم و جیزگی فیلملری چکیلمیش‌دیر. گؤرکملی بستکاریمیز فیکرت امیروو دا بو ناغیللار توپلوسونا مراجعت ائتمیش و «مین بیر گئجه» بالتی کیمی محتشم اثر یاراتمیش‌دیر.