آنا صحیفه ادبیات |
کولت. آذ احمد جاوادین "بیسمیللاه" آدلی شعیرینی تقدیم ائدیر:
آتیلدی داغلاردان ظفر توپلاری،
یورودو ایلری عسگر، بیسمیللاه!
او خان ساراییندا چیچکلی بیر قیز
بکلیور بیزلری ظفر، بیسمیللاه!
ای دؤیونهن اورک، دومانلی شهر،
بیلیرمیسهن بو زیر گورولتو ندیر؟
آچ سیسلی قوینونو اوردوموز گلیر.
نیشانلین قوینونا گیرر، بیسمیللاه!
ای حربین تالعیی بیزه یول وئر، یول!
سن ای گؤزل دنیز، گل تورکه رام اول!
سن ای ساغا، سولا قیلیج ووران قول
قوللارینا قوت گلر، بیسمیللاه!
ای باکی، سن قورخما، گلدیک، گلهلی
سنین اوچون بیز آتیلدیق ایلری،
ساغ اولان آننئلره اولور تسللی
شهیدلرین روحو گولر، بیسمیللاه!
ای دوشمن، آلنینین یازیسی قارا،
اؤلدورمز بیزلره ووردوغون یارا،
یوللادیغیم قورشون ارماغان سنه
او کیرلی آلنینی اؤپر، بیسمیللاه!
سن مرد اولوب دورسان قارشیمدا اگر،
قودورغان ساچمالی نؤوبتین کئچر.
ساغلاندیغیم تورپاق قانیمی ایچر،
یوردوم اولماز سنه سیپر، بیسمیللاه!
یوردوموزدا بیزه میدان اوخویان،
موردار جمدکلری موردار قوخویان،
تکبیر سسلرینی اوزاقدان دویان
دوشمانیمیز آمان ایستر، بیسمیللاه!
تاریخ
2020.07.13 / 18:50
|
مولف
Axar.az
|