کولت. آذ اوشاق ادبیاتی سیلسیله‌سین‌دن سئودا بختیارین "تاپماجالی شعیرلر... "نی تقدیم ائدی:

***

زولاق‌لی، قارا، بوز، آغ -

بو، اونلارین رنگی‌دیر.

او هان‌سی حیوان‌دیر کی،

ائولرین پلنگی‌دیر؟ (پیشیک)

***

یای‌دا، قیش‌دا، پاییزدا

سویونماییر کورکونو.

دئیین گؤرک او ندیر

چوخ سئویر یئرکؤکونو؟ (دووشان)

***

یوخ‌دور علی، آیاغی،

واهیمه‌لی‌دیر یامان.

دیشین‌ده زهری وار،

سانجیر آدامی او آن.

قیش‌دا گؤرونمور گؤزه،

یای گل‌سه چیخیر اوزه.

سورونه‌رک گزیر او،

ائله بیل تلسیر او. (ایلان)

***

تورپاق آلت‌دا یوواسی،

بویو دا لاپ بالاجا.

گاه دیوارا دیرماشیر،

گاه گوله، گاه آغاجا.

چکی‌سی بیرجه دامجی،

قالدیریر آغیر یوکو.

یاز گلینجه باشلاییر

قیش اوچون تداروکو. (قاریشقا)

***

یاز گلن‌ده بیتره‌م

چؤل‌ده، دوزده،چمه‌ن‌ده.

چهرایی لچکلریم،

گؤزل اتریم وار هم ده.

ایلکین چیچکلییرم

یاز گلن‌ده هر دفعه.

دوستلار منی توپلاییب،

دریب آپاریر ائوه. (بنؤوشه)

***

گؤی‌دن آسیلیب قالیب،

ایشیق ساچیب، دایانیر.

او ندیر کی، ائل-عالم،

او ایشیقلا اویانیر؟ (گونش)

***

گئجه دوشنتک گلیر،

گئجه‌یه قوناق اولور.

ائله بیل گؤی اوزون‌ده

گؤیلره چیراق اولور.

گاه یومرودور، گاه پارا،

یولداش‌دیر اولدوزلارا. (آی)

***

تن‌دیرده یاپیلان‌دا

اتری گؤیه یوکسلیر.

شاه مجلیسی ده اولسا

سوفره‌یه اول گلیر. (چؤرک)