کولت. آذ محمد فضولینین غزلینی تقدیم ائدیر:

یوخ‌دو بو روسوالیغین دردینه درمان ، ای طبیب،
ائیله‌مه روسوای اؤزون هم قلبی‌می قان، ای طبیب!
اولماق ایسترسه‌ن اگر آسوده، قوی راحت منی،
دردیمین یوخ چاره‌سینه چونکی ایمکان، ای طبیب!
سن قان آلماقلا یقین بیر فایدا وئرمزسن جانا،
شؤوق لعلین گل چیخار مومکون‌سه جان‌دان، ای طبیب!
اولسا هر شربت بو سئودا دردینه ائتمز علاج،
شربتیم‌دیر وصلی-یارو ذکری-جانان، ای طبیب!
غمله اؤلدورسن منی ایظهار قیلما کیم‌سه‌یه،
قوی رقیبیم بیلمه‌سین وار من‌ده افغان، ای طبیب!
مقصدیم آچماق دئییل‌دی دردیمی اصلا سنه،
ایستدیم پنهان ائدیم، سن‌دن نه پونهان، ای طبیب!
اؤلدوروب یوز سن کیمی بیدردی بو دردیم منیم،
گل فضولی دردینی سانما چوخ آسان، ای تبیب!