آنا صحیفه ادبیات |
کولت. آذ آذربایجانین شاعری اولان کمال حسینزادنین "داریخیر" شعیرینی تقدیم ائدیر:
یازدیغین مکتوبو آلدیم، گؤزلیم،
تیترهدی مکتوبونو توتموش علیم.
سوروشورسان: "نه وار او باغدا گلیم؟"
-نه دئییم؟ شانیسی وار، انجیری وار،
بیر ده بو باغدا سارالمیش بیری وار،
داریخیر.
بورانی گؤرمهمیسهن، پیسلهمه، گل،
گؤرممیشلر کیمی کین بسلهمه، گل،
اؤز باغین بیل، قاپیدان سسلهمه، گل،
کئچ ائوه، قورخما، ایتین زنجیری وار.
بیر ده زنجیرلری قیرمیش بیری وار،
داریخیر.
یئللهدیر پردنی یونگول گیلاوار،
باجاسی آزجا ازیلمیش ساماوار
گؤندریر گؤی خزره ایری بوخار.
دیوارین خزری طرفده کیری وار.
بیر ده بوردا اوریی صاف بیری وار،
داریخیر.
گئجه گل، گؤر بورانین منزرهسین،
خزری چیرپیر قاپیسین، پنجرهسین،
یاپیشیب بیر یانا دارتیر هرهسین،
ائله بیل، مئینهلرین تقسیری وار.
بیر ده اوندان داها چیلغین بیری وار،
داریخیر.
گل، خیتام وئر بو باغین ماتهمینه،
یول دا بوردان گئدیر عشق عالمینه.
اوردا کیمدیر باتان عشقین قمینه؟!
اورا دونیا قمینین تأثیری وار.
بوردا دونیادان ال اوزموش بیری وار،
داریخیر.
تاریخ
2020.07.07 / 10:55
|
مولف
Axar.az
|