کولت. آذ بختیار واهابزادنین "آخی دونیا فیرلانیر" شعرینی تقدیم ائدیر:

واختین دییرمانین‌دا داش اریدی، قوم اولدو،
تاریخه آتدیغییمیز قاییت‌دی، لوزوم اولدو.
دونه‌نین حقیقتی بو گون ترس یوزوم اولدو،
نیه ده یوزولماسین، آخی، دونیا فیرلانیر.

چوخ اوولاقلار ایچین‌ده چوخ اوولاری اوولادیم،
آشیب-داشان آرزومو من آرتیق جیلوولادیم.
من آتامی اؤتموشه‌م، منی اؤتور اؤولادیم،
بو، بئله ده اولمالی، آخی، دونیا فیرلانیر.

دونه‌ن دوز ساندیغی‌می بو گون ایری سانیرام.
بزه‌ن اولور، اؤزوم‌دن اؤزوم اوغورلانیرام.
هر ایل باشقا آرزونون باشینا فیرلانیرام،
نیه ده فیرلانماییم، آخی، دونیا فیرلانیر…

چوخ اییله‌ن گؤرموشه‌م، اییلمه‌یه‌ن باشلاری.
سولار دورولدو، گؤردوک دیبین‌ده‌کی داشلاری
عنوان‌می دییشدی دونه‌نین آلقیشلاری؛
نیه ده دییشمه‌سین، آخی، دونیا فیرلانیر…

نئجه دؤنور بو دؤوران، نئجه دؤنور بو گردیش،
تازیلارم اوستونه دووشانلار دا گولرمیش.
دونیا بینا اولان‌دان هر شئی دییشیلرمیش،
دییشمه‌سین نئیله‌سین، آخی، دونیا فیرلانیر.

ابدینی دونیادا من ابدی سانمادیم،
بیر آتشه توتوشدوم، مین آتشه یانمادیم،
بوتلر گلدی و گئتدی، بیرینه اینانمادیم
نیه اینانمالییام، آخی، دونیا فیرلانیر.

فیرلاندیقجا بو دونیا، یوخ دا دؤنوب وار اولور،
قورویان چئشمه‌لردن سولار یئنه جار اولور.
بو دونیانم خئیری ده، شرعی ده تکرار اولور،
نیه تکرار اولماسین؟ آخی، دونیا فیرلانیر.

مین-مین ایللر بو دونیا بئله‌جه فیرلانسا دا،
بیر یووانین بولبولو مین بوداغا قونسا دا،
آیلار، ایللر، فصیللر بیر-بیرینی دانسا دا،
دییشمزدیر عقیده‌م، چوخ دا دونیا فیرلانیر،

نه قدر ایستییرسه، مین او قدر فیرلانا،
قارشیما گاه شر چیخا، گاه خئییر دیغیرلانا.
چرخی-فلک ایستییر لاپ دولانا ترسینه،
عقیده‌می هئچ نیه دییشمره‌م من یئنه.