تورکیهده آردیجیل گوجلو زلزله: داغینتیلار وار
18 آپرئل 23:54
آنا صحیفه ادبیات |
کولت. آذ خالق شاعری نبی خزرینین "ایکیلیکده" آدلی شعیرینی تقدیم ائدیر:
گل بؤلک دونیانی ایکیلیکده بیز
دره منه دوشسون،
داغی سن گؤتور.
قالسین یئر اوزونده قوشا ایزیمیز
قارا منه دوشسون،
آغی سن گؤتور.
ایلین ائولادیییق یایلا قیش کیمی
فسیللر یاشاسین یاناشی منده
بیرگه بیر یئردییک گؤزله قاش کیمی
گؤزلر سنده قالسین،
گؤز یاشی منده.
گوندوزو، گئجهنی عزیز ساخلایاق،
گونش سنه دوشسون،
آی منه قالسین...
جوشقون سئللر کیمی بیرگه چاغلایاق،
دنیز سنین اولسون، چای منه قالسین.
بیزیک بو دونیایا سنینله شریک
بیزسیز نه قیش گولر، نه ده کی باهار،
حیاتدا هر شئیی بؤله بیلریک،
اما بؤلونمهیهن:
بیر سئوگیمیز وار...
تاریخ
2020.07.07 / 18:50
|
مولف
Axar.az
|