آنا صحیفه ادبیات |
کولت. آذ فرانسیز ادبیاتینین شئدئور شعیرلریندن لوی آراقونون "سئوگینین سونو یوخدور..." آدلی شعیرینی تقدیم ائدیر:
اینسان هر شئیی الینده توتا بیلمز هئچ بیر زامان
نه گوجونو نه گوجسوزلویونو نه ده اوریینی
و آچدیم دئیرکهن قوللارینی بیر خاچ اولار کؤلگهسی
و ساریلدیم دئریرکهن پارچالایار او شئیی
حیاتی غریبه و آجی دولو بیر آیریلیقدیر هر آن
سئوگینین سونو یوخدور...
حیاتی بو سلاحسیز عسگرلره بنزر
بیر باشقا تالئ اوچون گئیینیب-قورشانان
نه معناسی وار اونلارین سحر یاتیب آخشام
قالخمالارینین
اونلار کی هر آخشام چاشقین و قرارسیز اولار
سؤیله بونلاری، حیاتیم،
و بونجا گؤز یاشی یئتر
سئوگینین سونو یوخدور...
گؤزل سئوگیم، دادلی سئوگیم، قانایان یارام منیم
ایچیمده داشیییرام سنی یارالی بیر قوش کیمی
و اونلار بیلمهدن ایزلیر اؤتوب کئچرکهن بیزلری
آردیمدان تکرارلاییب هؤردویوم سؤزجوکلری
و درهال جان وئردیلر ایری گؤزلرین اوچون
سئوگینین سونو یوخدور...
آرتیق زامان قالمادی حیاتی اؤیرهنمهیه
اورکلریمیز بیرلیکده آغلاسین ساباهادک
ان کیچیک ماهنی اوچون نئچه گؤز یاشی گرک
بیر اورک آتیشینی نئچه پئشمانلیقلا اؤدمک
نئچه هیچقیریق گرک بیر گیتار هاواسینا
سئوگینین سونو یوخدور...
ائله بیر سئوگی یوخدور دردلره قرق ائتمهسین
ائله بیر سئوگی یوخدور قلبده آچماسین یارا
ائله بیر سئوگی یوخدور ایزی قالماسین جاندا
و سندن داها آرتیق دئییل وطن عشقی ده
ائله بیر سئوگی یوخدور باتماسین گؤز یاشیندا
سئوگینین سونو یوخدور...
بئلهدیر سئوگیسی هر ایکیمیزین...
تاریخ
2020.07.08 / 20:25
|
مولف
Axar.az
|