آنا صحیفه ادبیات |
کولت. آز مممد آسلانین شئیرینی تقدیم ائدیر:
.
آغلا ایستر منه گول ایستر منه
آختاریرام یوخدا ، واردا آزادلیق
ایینه اولدوزوندان تاپ گؤستر منه
ذرره بؤیوکلوک ده ، خیردا آزادلیق.
ساریلیب گؤوده سی کؤکونه کیمی
بیلمیریک بال کیمی یا کینه کیمی
هله گؤرمه میشیک بو گونه کیمی
یئرده می گؤیده می، هاردا آزادلیق؟!
یارادان یاشاماق سایماسین بونو
حاقسا قیامته قویماسین بونو
تانری، ایتینه ده قییماسین بونو
آزادلیق دا گوردو ، گوردا آزادلیق.
مغریب دن مشریقه، جهان، گؤر، ایندی
توپلو توپخانالی، جاهانگیرین دی
گؤزوموز اؤنونده جان چکیر ایندی
باشی سرت ایلگه لی داردا آزادلیق.
بیر سیرلی غؤنچه دی، آچسا گول اولار!
بیر دن دی، بئجرسن بیر سونبول اولار
قایدینا قالماساق یانیب کول اولار
چیرپینار بیر چیمدیک قوردا آزادلیق.
انسان حوررییته بورونه کئشکه !
یول تاپا بو یوخون یئرینه کئشکه،
بیزه ده بیر دفعه گؤرونه کئشکه
قیسمت اولان قوشا قوردا آزادلیق.
سونویلا اؤلچولور انسان عملی
قیلی قیرخا بؤلوب، حاققی دئمه لی
حاق دی عدالت دی، مولکون تملی
هاردا عدالت وار ، اوردا آزادلیق...!
تاریخ
2020.07.09 / 21:41
|
مولف
Axar.az
|