کولت. آذ آذربایجان‌لی شاعر سید عظیم شیروانینین شعراینی تقدیم ائدیر:

خوشا اول عاشیقه‌کیم مجلیسینده یاری اولا
ووصالی یارده، فرخنده روزیگاری اولا

نئچه رفیقی موافیق‌ایله ایله‌شیب ایچه می
نه کسری مجلیسی می‌دن نه اینتیظاری اولا

شرابا اولماسا گرچی نقد، سیم و زری
شراب‌خانه‌ده باری بیر اعتیباری اولا

بوگونه قویمازیدیم زولفونه اسیر اولسون
اگر الیمده دیلی‌ زارین بیر ایختیاری اولا

ایلاهی، بولبوله اولسون همیشه همدم گول
مدام او خسته‌دیلین گولشنی باهاری اولا

منیم‌تک اولمایا محروم گولعذارینده‌ن
نه غصه‌دن اوره‌گی قان، نه خار خاری اولا

بهشته میل ائیله‌مز، سیدین اگر ای گول
یانیندا سن‌کیمین بیر یاری گولعذاری اولا