یوخاری

"اون دؤرد گون قرنطینه ده..."- داوامی

آنا صحیفه ادبیات
12 Punto 14 Punto 16 Punto 18 Punto

کؤچورن:شبنم توحیدی

حکیم‌ین خوش، اورکلی، آرخایین دانیشیغی مالیک‌-ی خئیلی ساکیت‌لشدیردی، ایچدن جانلاندیردی. دئمک، گؤزله‌دیک‌لری حکیم آذربایجانلی ایمیش. بو حکیم‌ین سسی اونا یامان تانیش گلیردی... سلیس (روان)٬ آیدین، اؤزونه- اؤزونه ایناملی، آرتیق سؤز ایشلتمه‌دن، توکنمز انرژیسی، دقیق دانیشیغی ایله هارداسا یادداشیندا ایلیشیب قالمیشدی. هه-هه... او ایدی! اون ایل بوندان قاباق... هانسی‌سا رایون خسته‌خاناسیندا حکیم ایشله‌ییردی.

دئییلدییینه گؤره، طب اونیوئرسیته‌سینی آنکارادا بیتیرمیشدی.

تعمیردن سونرا خسته‌خانانین - تشخیص مرکزی‌نین آچیلیشیندا اونلار دا ایشتراک ائدیردیلر. مرکزه ده‌یری اون مین‌لرله اؤلچولن یئنی مودئل آپارات تشخیصی هدیه ائدیلمیشدی. بو جیهازدان هله شهر خسته‌خانالارینین چوخوندا یوخ ایدی... آما بیز نه ائتدیک؟ باکی‌یا قاییداندان اوچ گون سونرا خسته‌خانا قارشیسندا شرط قویدو کی، یا جیهازین (وسایل) پولونو ییغیب وئرسین‌لر، یا دا اؤزونو قاییتارسینلار. اوندا بو جاوان حکیم ناظیرلیییه گلمیشدی. دانیشیردی کی، او پولون وئریلمه‌سی رایون حکیم‌لری‌نین گوجو خاریجینده‌دیر. بو مومکون دئییل. هم ده آخی بو بیزه هدیه‌دیر... جیهازی ال‌لریندن آلسالار مسئله بؤیویه‌جک، خبر یوخاری‌لارا دا چاتاجاق. «باجاریرسان، گئت، چاتدیر!»، - هده‌لی جاوابینی وئردیلر. او گون سونرا آپاراتی باکی‌یا قاییتاریب اؤزل کلینیک ‌لردن بیرینه ساتدیلار! بو آزمایش کیمی سونرا بو حکیم‌ین اؤزونو ده باشچی‌نین ألی‌یله ایشدن چیخارتدیلار.

باخ، بئله! ایشدن چیخاندان سونرا، گؤرونور، آنکارایا قاییدیب... اوردا ایشله‌ییب، آمریکایا تجروبه‌یه گئدیب... حتتا سوی‌آدینی دا ده‌ییشیب - آکباش... تورکیه‌ده مشهور آدلارداندی... یقین کی، اونون سئودییی حکیم‌ین - اوستادی‌نین سوی‌آدی اولوب.

کیشی تزه‌دن اؤلوب، اؤلوب... دیریلدی... اگر حکیم اونو تانیسا قتلینه فرمان وئره‌جک!.. آللاهیم، بو نه بلادی، امتحاندی، جزاءدی او چکیر؟ ایل‌لرنن بوینونا ییغدیغی، یوکله‌دییی گوناهلارین جزاءسینی بو اون دؤرد گونده‌می چکمه‌لی‌دیر؟! ؟
یوخ... حکیم اونون کیم اولدوغونو، هاردان گلدییینی بئله سوروشمادی. بو دفعه ده کیشی خجالتیندن اؤلوب... دیریلدی. اونون سسینده‌کی دوغمالیق، شیرین‌لیک، ایستی‌لیک، حیات‌سئورلیک مالیک-ه ده سیرایت ائله‌میشدی. داها اؤلوم حاققیندا دوشونموردو.
- تئز اولون، واختی هدره وئرمه‌یه‌لیم. زامانیمیز یوخ. - تورک حکیمی ده جانلانمیشدی. یانینداکی‌لارا گؤستریش وئریردی.

...گؤزلرینی آچاندا اؤزونو گؤی‌لرین یئددینجی قاتیندا حیسس ائلدی. بؤیوک، گئنیش، یاراشیقلی پنجره‌دن پالاتایا (بخش) یاز گونشی‌نین ایلیق، سیجاق شعاع‌لاری شفق سپیردی. شهر اوندان آشاغیدا خفیف دومانا بورونموشدو. أل ایچی کیمی تمیز، آیدین گؤرونوردو. گؤره‌سن بو خسته‌خانا نئچه قات‌دان، مرتبه‌دن عیبارت ایدی؟ آخیر کی!.. عملیاتدان، دئمک کی، ساغ-سالامات چیخیب! بو گون‌لرده او نئچه دفعه اؤلوب، دیریلیب... داها اؤلوم اوندان چوخ-چوخ اوزاقلاردا قالیب! او کفنی یاریب، جیریب، چیخیب!!!

.. گونش گئتدیکجه گؤزلرینده بؤیویوردو... ایشیغی-شفقی ایله، ایستی‌لییی- حرارتی ایله...

یاخشی اینسان‌لار دا، دوغرودان-دوغرویا، گونش کیمی‌یدی! هئچ کیمدن ایشیغینی، ایستی‌سینی، محبتینی أسیرگه‌میر...
بوتون بونلارا رغمن، مالیک‌-ین اوره‌‌یینده، ویجدانیندا بیر سیزیلتی، حوزون ده واردی... هردن سانکی او، بوشلوغا دوشوب چیخیردی..

سون.

تاریخ
2020.07.11 / 10:17
مولف
Axar.az
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla