محبوس یازیچینین وضعیتی آغیرلاشدی
16:43
آنا صحیفه ادبیات |
کولت. آذ گونئی آذربایجانلی میللی-مدنی فعال، شاعر سیامک میرزایینین "قیش قاچیشی" آدلی شعرینی تقدیم ائدیر:
تئللریمی قیش داراییر
قولاغیمدا قارا یئل لر توتک چالیر
دورت یانیمدا کولگه لرین اییسی گلیر
قاری ننه دوداغیما دوگوم سالیر
سئوگیلرین ال-آیاغین شاختا کسیر
ایچیمده کی اوشاق یئنه تیر-تیر اسیر
باش بیر یانا
یاش بیر یانا
دوشلریمین بویوتوندا
یوکله نیرم
او کاروانا ، بو کاروانا
لیلله نیرم ، بورولورام
چالخالانیب دورولورام
آن گله جک
گئجه لرین آغ کفنین
گؤزلریمین دنیزینده یاندیراجام
آجیلارین پالتارینی
سئله سویا تاپشیراجام
کوچه میزه گلین گلیر
اوشوک-اوشوک اورک لره تئلین سریر
بیر قولاق وئر یاشیل دونون ماهنیسینا
اَینیمیزه یاز بزه نیر
اَینیمیزه یاز بزه نیر
تاریخ
2020.07.12 / 17:15
|
مولف
Axar.az
|