نظامی گنجوی «ایسگندرنامه» اثرین‌ده دونیانی فتح ائتمه‌یه چیخمیش ماکئدونییالی ایسگندرین برده‌یه گلیب نوشابه ایله گؤروشمه‌سین‌دن گئنیش بحث ائدیب. بوتون علملردن واقیف اولان نظامی گنجوی کیمی داهی هر هان‌سی بیر اثرین یارادان‌دا قدیم الیازمالارا و کیتابه‌لره اساسلانیردی. اونون قهرامانی اولان نوشابه حقیقته‌ن تاریخ‌ده مؤوجود اولوب و اونون اصل آدی تالئستریس اولوب. آمازون کرالیچاسی اولان تالئستریس برده اراضی‌سین‌ده بیر قالانین رهبری و قیزلاردان عبارت اولان اوردونون سرکرده‌سی ایدی.
کولت. آذ خبر وئریر کی، ایسترابون «جغرافییا» اثرین‌ده یازیر:

»آلبانییانین یوخاری داغلارین‌دا آمازونلار یاشاییر. پومپئیی یوروش‌ده موشاییت ائد‌ن و آلبانییایا گلن فئوفان سؤیلییر کی، سکیف طایفالاری اولان هل و لهلر آمازونکالار و آلبانلار آراسین‌دا یاشاییرلار".

نظامی بورادا تالئستری‌سین آدینی نوشابه ایله عوض ائتمیش، لاکین بوتون تاریخی فاکتلارا صادق قالمیش، اونلاری یالنیز بدیعی اصلوب‌دا نظمه چکمیش‌دیر. نظامی "داستانین خلاصه‌سی…" فصلین‌ده یازیر کی، او، تاریخی منبع‌لری موختلیف دیللرده دؤنه-دؤنه ورقلمیش، "ان قدیم تاریخی اثرلردن" یهودی، نسرانی، پهلوی کیتابلارین‌دان "کؤهنه نسخه‌لری" اساس آلمیش، "ان دوغرو" سایدیغی سؤزلری سئچمیش، "دوغرو اولمایان سؤزلردن قاچمیش‌دیر".

اونون حاقین‌دا بیر چوخ معلوماتلاری ایلک اؤنجه یونان و روما آنتیک منبع‌لری یازمیش‌دیر. ماکئدونییالی ایسکندرین اونونلا گؤروشدویونو ادعا ائد‌ن ان اهمیت‌لی تاریخی منبع‌لر تاریخ‌چیلر دیودوروس و قوینتوس جورتیوس روتون حساباتلاری، همچینین ژوستینین پومپئی تروقون تاریخی اثرین‌دن بیر چیخاریش‌دیر.

تالئستریس تخمیناً (ائرامیزدان اول ۴-جو عصرین ایکینجی یاری‌سی) - برده حاکمی اولموش‌دور. قدیم یونان تاریخ‌چی‌سی دیودوروس سیسولوس بو مؤوزونو آراشدیرمیش و یازیر کی، ایسکندر کورکانییایا گلن‌ده تاللئستریس آدلی جنگاور قادین اونو قارشیلاییر. ایسکندر اونا والئه اولور و اونون یانین‌دا ۱۳ گون قالیر، هدییه‌لر وئریر.

ائرامیزین ۱-جی عصرین‌ده یاشایان روما تاریخ‌چی‌سی قوینتوس جورتیوس روفوس اثرین‌ده یازیر:

«آمازون هؤکمداری ایسکندره اعلان ائتدی کی، اوندان اؤولاد ایستییر، قیز اوشاغی دوغورسا، اونو اؤزو اوچون ساخلاییر، کیشی اوشاغی دوغورسا، اونو اونا گؤندره‌جک‌دیر. عینی فیکیرلری ۳-جو عصرده یاشامیش روما تاریخ‌چی‌سی ژوستین ده قئید ائدیر.
ایسگندرین شرقه یوروشون‌ده تالئستریس ۳۰۰ نفرلیک دسته‌سی ایله اونون اوردوسون‌دا ایشتیراک ائدیر. هیندیستان سفری زامانی دؤیوشلرین بیرین‌ده اؤلدورولور.