آنا صحیفه ادبیات |
کولت. آذ عالی مصطفییئوین "دلی بیر آغلاماق کئچیر کؤنلومدن..." آدلی شعیرینی تقدیم ائدیر:
باخیرام دونیانین بو گردیشینه،
دلی بیر آغلاماق کئچیر کؤنلومدن.
فلک رواج وئردی نامرد ایشینه.
دلی بیر آغلاماق کئچیر کؤنلومدن.
تورپاقدا حاقی وار آخان قانین دا،
بیر نرین قوللاری دوشوب یانیندا،
مقدس شهیدلر خیابانیندا،
دلی بیر آغلاماق کئچیر کؤنلومدن.
یانمادیم اؤمرومدن کئچهن ایللره،
باخیب مزاریمدا سولان گوللره،
سؤیکهییب اوزومو قرهنفیللره،
دلی بیر آغلاماق کئچیر کؤنلومدن.
دونیانین سوکوتو بو داش قفسده،
کؤکسومده قؤور ائدیب هیچقیران سسده.
توی لیباسی گئیمیش بو قبرین اوسته،
دلی بیر آغلاماق کئچیر کؤنلومدن.
معناسی بیر ایمیش تویون، یاسین دا،
بو قارا زولمتین آغ لیباسین دا.
دوروب حاق ائوینین آستاناسیندا
دلی بیر آغلاماق کئچیر کؤنلومدن.
بو قلبیم اووونماز سینیق ساز کیمی،
درد ده گوله-گوله گلدی، یاز کیمی ،
اللها، تانرییا اعتراض کیمی
دلی بیر آغلاماق کئچیر کؤنلومدن...
تاریخ
2020.07.15 / 19:47
|
مولف
Axar.az
|