kult.az آذربایجانین گؤرکملی شاعری نریمان حسنزادنین "سورگون حیاتی" آدلی شعیرینی تقدیم ائدیر:

۶۰ ایللیک یوبیلئیی گونلرین‌ده بؤیوک یازی‌چی میر جلالین خانیمین‌دان سوروشدوم:

- پوسته خانیم، نیه میر جلال معلم یاشین‌دان آرتیق گؤرونور؟

- هر گون سورگون ساعتینی گؤزلییردی، - دئدی.

مؤلف

جاوید گئت‌دی سورگونه،

روس سالداتی یانین‌دا.

موشفیق - قوللاری باغلی،

کا.گ.ب - زین‌دانین‌دا.

جواد ایتکین دوشوب‌دو،

یوخ‌دور سسی، سوراغی.

میر جلال گؤز دوستاغی

پوسته خانیم دئییردی،

دئمیردی، اینلییردی،

نوه‌سی دینلییردی.

من ده قولاق آسیردیم،

اورییمه یازیردیم.

- گئجه آیریلدیق، گئجه،

جاویدین آد گونوی‌دو،

بیر زیافت گونوی‌دو.

میشکیناز خانیمیی‌دی.

دیلبری‌دی، منیدیم.

بیر ده شوکرییه خانیم.

ائله بیل دوننی‌دی.

دانیشیردیق، گولوردوک،

سئوینیردیک، نه دئییم؟

کیم قالیب، کیمه دئییم!

سحر ائشیتدیک، سحر،

رادیودان خبری.

حبس اولونوب دئدیلر

وطن، خالق دوشمه‌نلری.

جاوید اف‌ن‌دی،

موشفیق،

احمد جاواد - هر اوچو.

بیر آلین یازیسییمیش،

سون آیری‌لیق گؤروشو.

گولوشلر یالانییمیش،

سئوینج، فیلان دا یالان.

اول یازیلانییمیش،

اول‌ده ده اوخونان.

حیاتین اؤزو بویموش،

آستاری، اوزو بویموش،

تالع گوزگوسو بویموش!

پوسته خانیم دئییردی،

دئمیردی، اینلییردی،

نوه‌سی دینلییردی.

من ده قولاق آسیردیم،

اورییمه یازیردیم.

- آشاغی‌دان، کوچه‌دن،

غفیل گلسیدی بیر سس، -

میر جلال دئیسیدی:

- یول چانتامی وئر، تلس،

اونلار منی گؤزلمز،

سؤز ائلیر، سؤز دئمز.

میر جلال حساسیی‌دی،

من ده بیر آز تنگنفس.

میر جلال گؤزلییردی:

گونو،

آنی،

ساعتی.

ائوده - مدت‌سیزیدی

اونون سورگون حیاتی.