کولت. آذ عمر خیامین روباعیلرین‌دن بیر نئچه‌سینی تقدیم ائدیر:

چتین سؤودالارا دوشمه هئچ زامان،
دول‌دور پیاله‌نی، نوش ائت دورمادان.
اوزومون قیزییلا اوتوروب کئیف چک
حرام قیز یاخشی‌دیر، حلال آنادان.
***
اینسانا دایما غم وئریر فلک،
بیر قوروسا، بیرینی داغیت‌سین گرک.
دونیایا گلمه‌یه‌ن بیل‌سه گلنلر
نه چکیر، گلمکچون بسلمز دیلک.
***
بیز گئتسک یئنه ده دوراجاق جهان،
بیزدن قالمایاجاق بیر ایز، بیر نیشان.
بیز یوخکن چکمیردی او هئچ بیر ضرر،
گئتسک ده گؤرونمز اوندا بیر نقصان.
***
ای فلک، خسیسه عزت وئریرسن،
ائو، هامام، دییرمان، سروت وئریرسن،
سنین تک فلکه توپورمک گرک؛
آزاد آداملارا ذلت وئریرسن.
***
ای دوست، تاماح اوچون گزیب دؤرد یعنی،
نه قدر اؤلچه‌سه‌ن بوتون دونیانی
گئدیبلر، گئدریک، گلیب – گئدرلر،
بیر آن مورادینجا یاشایان هانی!
***
اولدوزلا دولودور بو بؤیوک ایوان،
اونلارا چوخ عقل قالمیش‌دیر حیران.
عقل کلفینی ایتیرمه اصلا!
کاینات اؤزو ده قالیب سرگاردان.