کولت. آذ تانینمیش شاعره خانیم ایسماییل قیزینین شهید گنرال-مایور پولاد هشیمووا اتحاف ائتدیی «جناب گنرال» شعیرینی تقدیم ائدیر.

تکجه وطن اوچون چیرپین‌دی هر آن
سینه‌نین آلتین‌دا او بؤیوک اورک.
پولاد کیمی محکه‌م ایراده‌ن ایله
اؤز اؤلکه‌نی سئودین سون قانینادک.

عسگر شرفینله عؤمور یاشادین،
افسانه‌یه دؤنه‌ن مقدس آدام.
اؤنجه وطن، تورپاغ، حاق و صداقت -
بئله یاراتمیشدی سنی یارادان.

قالخیب‌دیر آیاغا بوتون اوغوللار،
عسگرلر ده هوجوم امرینه حاضر.
ائله بیر ایز قویدون اؤزوندن سونرا،
هر بیر کس آدینی عؤمرونه یازیر.

سن بیر تورک اوغلوسان، آذربایجانین
عزمینی تاریخه آدینلا یازدین.
جبهه‌ده، سنگرده حاقین سسینی،
دونیایا روحونلا، اودونلا یازدین.

هم آتا، هم آنا، هم قارداش، هم دوست،
هم ده اؤولاد ایدی سنه بو تورپاغ.
دؤیوش میدانین‌دا سون نفسه‌دک
عصیانین، هارایین اولدو - قاراباغ.

سئودیین تورپاغین قوجاغین‌داسان،
گولله‌لر آلتین‌دان مردلیکله کئچدین.
جانین‌دا بایراغین، نفس‌ده وطن،
یوردو اوجالتماق اچون اؤلومو سئچدین.

اللرده‌دیر سلاح، روحون بیزیمله،
دوشمن بایراغینی ائندیرجییک.
غلبه موژده‌لی خوش خبرلری
سنه ده هدیه گؤندرجییک.

سن اصل اوغولسان، اونودولمازسان،
بئله جسورلاردیر قورور یئریمیز.
قهرمانلار اؤلمور، مکان دییشیر،
سنی یاشاداجاق بیزیم سئوگیمیز.

قوی دونیا ائشیتدین، پولاد گوجون‌ده
اورک‌لیلر قوربان اولماغا حاضر.
وطنین پولادتک اوغوللاری وار،
هر قاریش تورپاغی آلماغا حاضر.

بیزیم فخریمیزسن، جناب گنرال،
مردلیک، وطنداشلیق، یورد یولو اولدون.
ائله زیروه‌ده‌سه‌ن، ائله یئرده‌سه‌ن،
بوتون آنالارین اؤز اوغلو اولدون.