Kult.az "ایلین حکایه‌سی" مسابیقه‌سین‌ده ایشتیراک ائد‌ن ایلهام آغایئوین "ایکینجی اذان" حکایه‌سینی تقدیم ائدیر.

عاریف سحر تئزدن یئرین‌ده اویانمیشدی، اونو بئله تئز یوخودان اویانماسینا سبب قونشونون هیراتی خوروزو دئییل‌دی، نده کی، تلفنون‌دا اؤنجه‌دن سحر تئزدن اویانماق اوچون قوردوغو زنگ‌لی ساعت، سوبه نامازین‌دان بیر مدت سونرا ائشیتدیی ایکینجی اذان سسی ایدی، بلی، کندده رحمته گئدن وار ایدی،اؤز اؤزونه یئرین‌ده دوشوندو گؤره‌سن کیم رحمته گئدیب؟! سونرا اؤزو اؤزونه ماراقلی جواب دا وئردی: »اساس اودور من دئییله‌م»

سونرا یاواش-یاواش آشاغی دوشوب ال اوزونو یوماغا گئتدی، ایکینجی اذانی ائشیدن تکجه عاریف دئییلدی، آتاسی یعنی معاریف کیشی و آناسی یاسمن خالا دا بو گؤزل دعانی (اذانی) ائشایتمشدیلر اما صببینه ده اوزولموشدولر ،اونلار دا یاواش-یاواش یئرلرین‌دن قالخیب اسنه‌یه-اسنه‌یه هم سحر یئمیی یئمک اوچون هم ده کیمین رحمته گئتدیی اؤیره‌نمک اوچون آشاغی دوش‌دولر، گونش بولودلارین آراسین‌دان گیزلنقاچ اوینایان اوشاقلار کیمی یاواش-یاواش چیخیردی، باییردا یازین گؤزل هاواسی وار ایدی، کندده ایش یئرلری آز اولسا دا آز سای‌دا اینسان دا سحر تئزدن ایشه تلسیردی، معاریف کیشی ال اوزونو یویان زامان چپرین او بیری طرفین‌ده قونشوسو صالح کیشینی گؤروب اوندان کیمین رحمته گئتدیینی سوروشدو:

– معاریف: صاباحین خئییر آی قونشو، صاباح صاباح خوش خبر آلارلار اما خییرله شر، اونسوز دا، قارداشدیر، بیلمیرسن کیم رحمته گئدیب؟

– صالح: هر واختین خئییر قونشو، الله اؤلنلرینیزه رحمت ائلسین،ناخیرچی جعفر دایی رحمته گئدیب

– معاریف: الله رحمت ائل‌سین، حیف یاخشی کیشی ایدی، هئچ کیمله ایشی یوخ ایدی...

بیر ایستکان چای ایچیم، دوشوم حیته گئدک هوزور یئرینه عاییب‌دیر.

– صالح: یاخشی، من‌ده یوخاریدان تسبهی‌می گؤتوروم،آراقچینی‌می قویوم دوشوم آشاغی گئدک.

معاریف کیشی یوخاری چیخدی یاسمن خالانین حاضیرلادیغی سحر یئمیی سفره‌سین‌دن آرمودو ایستکانین‌دا اولان چایینی ایچیب،سفره‌یه توخونمادان تله‌م-تلسیک آیاغا قالخدی،یاسمن خالا معاریف کیشی‌دن یاری تعجبلو حال‌دا سوروشدو:

– «آج قارینا ایلیق چای ایچیب هارا تلسیرسن بئله»

– معاریف کیشی: ناخیرچی جعفر دایی رحمته گئدیب صالح ایله اورا گئدیریک،سیزده گلناره باجی ایله (صالح کیشینین عؤمور گون یولداشی) ایله گلرسینیز.
معاریف کیشی ایله صالح کیشی هوزر یئرینه یولا دوشدولر، یاسمن خالا دا سفره‌نی ییغیشدیردیقدان سونرا، گلناره خالا گیله هوزر یئرینه گئده‌جکلری واختی دقیقلشدیرمه‌یه گئتدی.

عاریف ال-اوزونو یویاندان ائوین دیگر اوتاغیندا اوتوروب ائله هی دوشونوردو گؤره‌سن نیه اینسان اؤلن زامان اذان وئریلیر، آخی اذانی کندده عادتا یاش‌لی کیشیلر نماز واختی وئریردیلر، بس گؤره‌سن ایکینجی اذانین گون عرضین‌ده آزی ۳ دفعه ائشیدیله‌ن اذاندان فرقی نه ایدی؟! عاریف چوخ تعجبلنمیشدی، سحر-سحر ایشتاهاسی دا قاچمیشدی، آخی اذانین سؤزلرینده دییشیکلیک یوخ ایدی، بیر خیلی دوشوندوکدن سونرا عاریف تعجبونون، گیزلتدیی قورخوسونون و قاچمیش ایشتاهاسینین سببینی تاپدی بو اذانین سسلندیریلمه‌سینین سببی ایدی یعنی «اؤلوم» (کیمینه گؤره یئنی بیر باشلانغیج، کیمینه گؤره ایسه ایسته‌نمه‌یه‌ن سونلوق)،»ایکینجی اذان « ایله گون عرضین‌ده سسلنه‌ن اذانلارین فرقی بو ایدی عاریفه گؤره، سحر ایکینجی اذانی ائشی‌دن زامان یئرینده اؤزونه وئردیی سوالا اؤز وئردیی جوابی دوشدو یادینا: »اساس اودور من دئییله‌م»، موقتی ده اولسا راحتلیق تاپدی و اللها شوکور ائدیب آیاغا قالخدی و آیاق اوستو سفره‌دن بیر عدد قاینامیش کند یومورتاسی گؤتوروب تئز بازار اونو یئییب، کهنه پالتارلارینی گئیینیب هوزر یئرینه کمک ائتمه‌یه یوللاندی!