اورمو شهرینه یاخین یئرده یئرلشه‌ن «بوز سینه» آدلی داغ، اصلین‌ده، بهیشتین جیلوه‌سی‌دیر و یای آیلارین‌دا بورا گلن توریستلر آلپینیستلر و توریستلره اونیکال قار ایله‌نجه‌سی یاشاماغا ایمکان وئریر.

آذنیوز. تی وی "تسنیم" خبر آگئنتلیینه ایستینادن بیلدیریر کی، بؤلگه‌ده عینی زامان‌دا بیر نئچه کیچیک و بؤیوک گؤل یئرلشیر. هان‌سی کی، سویو همین داغلارا دوشن قار-یاغیش‌دان تعمین اولونور. بو داغ یاز و یای آیلارین‌دا آلپینیستلر و طبیعتی سئوه‌نلر اوچون ان الوئریشلی بؤلگه‌لردن بیری‌دیر.

ایکی بؤیوک چای، گودار و دیزه همین داغدان آخیر. داغین اوستون‌ده طبیعی بوزلاق یئرلشیر و قار ایل بویو قالیر. یای فسلین‌ده بوزلار اریگیر، داغین آشاغیسینا دوغرو آخاراق داغین اتیینه جان وئریر. داغ قاردا هوسکار آلپینیستلره تعلیم کئچمک اوچون ان الوئریش‌لی یئردیر. ایلین باساباسین‌دا آلپینیستلری بورادا گؤرمک مومکوندور.

قئید ائدک کی، بوز سینه داغی اورمو شهرینین قربین‌ده شهردن ۵۴ کم آرالی یئرده اورمو – اوشنو یولون‌دا ایران – عراق – تورکییه سرحدینه یاخین یئرده یئرلشیر. داغین هوندورلویو ۳۴۸۰ مئتردیر و بؤلگه‌ده ان هوندور داغلاردان بیردیر.