اردبیلین ۱۲ کندینده چکیلمیش تورکجه-فارسجا «سگ کش» («ایت‌اؤلدورن») فیلمی نویابرین ۲۸-دن باشلایاراق اردبیل شهرینده نمایش اولونوب.

Kult.az خبر وئریر کی، بو باره‌ده یئرلی مدیا معلومات یاییب.

رژیسسورو و پرودوسرینین حسین نصیری اولدوغو فیلم‌ده انسانلارین طبیعت و حیوانلارا قارشی داورانیشی و مسئولیتلریندن بحث ائدیر.

آذربایجانلی رژیسسور فیلمین اردبیلدن سونرا باشقا تورک دیللی ایالتلرده، او جمله‌دن، شرقی آذربایجان، غربی آذربایجان، زنجان، تهران و باشقا یئرلرده ده اکرانلاشدیریلاجاغینی دئییب.

فیلمینین اساس روللارینی حسین عابدینی، رحیم نوروزی، صبا جلیل آغازاده، ولایت خوبدل و جعفر خدابنده‌لی ایفا ائدیبلر.

قید ائدک کی، سون ایللر گونئی آذربایجاندا چکیلن تورکجه فیلملر ایراندان علاوه تورکیه‌ده ده کینو تنقیدچیلری طرفیندن گئنیش رغبتله قارشیلانیب. آذربایجانلی رژیسسور رضا سیامی مسئله ایله باغلی مصاحبه‌سینده سون ایللرده ایراندا تورکجه فیلم استحصالینین دوشونولدویوندن داها سرعتلی و داها گوجلو شکلده انکشاف ائتدیینی بیلدیریب.