۱۳۱۶–۱۳۳۵ ایللر آراسی اینشا ائدیله‌ن و تبریزینین سیموولو حساب اولونان تاریخی ارک قالاسی نؤوبتی دفعه داغیدیلماق تهلوکه‌سی ایله اوز-اوزه قالیب.

Kult.az خبر وئریر کی، بو باره‌ده تبریز شهر شوراسینین عضوو روح‌تلله رشیدی خبردارلیق ائدیب.

اونون سؤزلرینه گؤره، تاریخی عابیدنین جنوب حیصه‌سین‌ده یئرآلتی آوتومبیل پارکینین اینشاسینا قرار وئریلیب.

«تیکینتی‌سی نظرده توتولان ۲۰۰ آوتومبیل‌لیک یئرآلتی پارکینگ شهرین ترافیک پروبلمینین حلینه هئچ بیر مثبت تأثیر گؤسترمه‌یه‌جک. بو، یالنیز خصوصی بیر گروپون ایستیفاده‌سی اوچون اینشا ائدیلیر»،- رشیدی بیلدیریب.

سؤزوگئدن تیکینتینین پلانلاشدیریلماسی ایله عابیدنین تهلوکه ایله اوز-اوزه قالماسی ملالارین حاکمیته گلمه‌سیندن سونرا ارک قالاسینا قارشی ایکینجی قصد ساییلیر.

بوندان اول ۱۹۸۱-جی ایلده جمعه نمازی مراسیملرینین اجراسی اوچون ارکین چوخ حیصه‌سی پارتلاییجی ماده‌لر و بولدوزرلر واسطه‌سیله داغیدیلیب.

۱۹۹۰–۲۰۰۰-جی ایللرده ایسه ایران مده‌نی ارث تشکیلاتی طرفین‌دن رئابیلیتاسییا و یئنی‌لنمه لاییحه‌سی حیاتا کئچیریلیب. آنجاق بو رئابیلیتاسییا زامانی قاجار دؤوروندن قالان بوتون قالیقلار ایستروکتوردان چیخاریلیب.

همین دؤورده ارک قالاسینین یانین‌دا یئنی بؤیوک مسجید تیکیلیب. یئنی مسجیدین اوست قورولوشو ارک قالاسینین معمارلیغینا خلل گتیریب. بو تیکینتی ارکین یئر آلتینداکی قدیمی اساسلارینی دا تمامیله محو ائدیب.

بئله‌لیکله، حاکمیت ارکین اساسلارینی آرادان قالدیرماقلا سونراکی ایللرده باش وئره بیله‌جک یئنی‌دنقورما فعالیتلری شانسینی دا محو ائدیب.

بوتون بو قید ائدیله‌نلره، تاریخی عابده‌لرین قورونما و برپا قایدالارینین پوزولماسینا گؤره، تاریخی عابده یونوسکو طرفیندن قیدیاتا آلینماییب.