بو گون معاصر آذربایجان پویزییاسینین کلاسیکی، خالق شاعری زلیمخان یعقوبون آنیم گونودور.

Kult.az خاطیرلادیر کی، زلیمخان یعقوب ۱۹۵۰-جی ایل یانوارین ۲۱-ده بورچالینین بولنیسی رایونونون کپنکچی کندینده آنادان اولوب.

۱۹۶۷-جی ایلده دوغولدوغو کندده اورتا مکتبی، ۱۹۷۲-جی ایلده ایسه آذربایجان دولت اونیورسیتتینین کیتابخاناچیلیق فاکولته‌سینی بیتیریب.

ایلک شعیری ۱۹۶۶-جی ایلده گرجستان اس.اس.ار بولنیسی رایون قزئتی "غلبه بایراغی"ندا درج ائدیلیب.

بدیعی یارادیجیلیغا گنج یاشلارین‌دان باشلایان زلیمخان یعقوب آذربایجانین زنگین شعیر عنعنه‌لرینی اوغورلا داوام ائتدیره‌ن شاعرلردندیر. شاعرین رنگارنگ موضوع‌لو و دولغون مزمونلو شعیرلری پویزییامیزین اینجیلری سوییه‌سینه قالخاراق آذربایجان ادبیاتیندا یئنی سؤز کیمی قبول ائدیلیب.

زلیمخان یعقوبون تاریخی شخصیتلره حصر ائتدیی پویمالاری یارادیجیلیغینین زیروه‌سینی تشکیل ائدیر. اونون «ابدیت داستانی» پویماسی آذربایجان خالقینین عموم میللی لیدری حیدر علیئوه حصر اولونموش اثرلر آراسیندا خصوصی یئر توتور.

زلیمخان یعقوبون آشیق یارادیجیلیغینی دریندن بیلمه‌سی و اونو بوتون اینجه‌لیکلری ایله قاوراماسی شعیرلرینین لیریزمینی داها دا قووتلندیریب. پویزییاسینین دیلینه خاص اولان شعیریات و آخیجیلیق زلیمخان یعقوبون اثرلرینه بسته‌کار و آشیقلارین مراجعت ائتمه‌لری اوچون زمین یارادیب.

شاعرین اثرلری بیر چوخ دیللره ترجمه اولونوب و صنعت سئورلر طرفیندن رغبتله قارشیلانیب. مختلیف اؤلکه‌لرده کئچیریلن پویزییا گئجه‌لرینده زلیمخان یعقوب آذربایجان ادبیاتینی لاییقینجه تمثیل ائدیب.

زلیمخان یعقوبون «پیغمبر» پویماسی تبریزده نشر اولونوب و شاعرین ایکییه بؤلونموش وطن حسرتلی شعیرلری خالق طرفیندن جوخ سئویلیر.

زلیمخان یعقوبون اجتماعی فعالیتی ده ثمره‌لی اولوب. او، ۱۹۹۵–۲۰۰۵-جی ایللرده ایکی چاغیریش آذربایجان رسپوبلیکاسی میللی مجلیسینین میلت وکیلی سئچیلیب. آشیقلار بیرلیینین صدری کیمی زلیمخان یاقوب آشیق صنعتینین اینکیشافیندا و تبلیغینده بؤیوک امک صرف ائدیب. شاعرین ادبی-اجتماعی فعالیتی دایم یوکسک قیمتلندیریلیب. او، بیر چوخ مکافاتلارا، او جمله‌دن آذربایجان رسپوبلیکاسینین عالی دؤولت تلطیفلری «شهرت» و «شرف» اوردنلرینه لاییق گؤرولوب.

رسمی نماینده هئیتینین ترکیبینده ۱۹۹۵–۲۰۰۰-جی ایللرده چینده، سعودییه عربیستانین‌دا، آلمانییادا، آمریکادا، ایسوچ‌ده، ایسوچره‌ده، قیرغیزیستان‌دا، تورکییه‌ده، فرانسادا و عراق‌دا ایشگوزار سفرلرده اولوب.

زلیمخان یعقوب اوزون مدت بؤیرک چاتیشمازلیغیندان اذیت چکیب. تورکییه، آلمانییا کیمی اؤلکه‌لرده معالیجه کورسو کئچیب. هر ایکی بؤیریی اولمایان اجتماعی خادیم عمرونون سون ایللرینده دیالیز قبول ائتمکله یاشاییب. او، ۲۰۱۶-جی ایل یانوارین ۹-دا دونیاسینی دییشیب.