بو گون آذربایجان ادبی تنقیدی و ادبیات شناسلیغینین گؤرکملی سیمالاریندان بیری، اجتماعی خادیم فریدون بی کؤچرلینین آنادان اولماسینین ۱۶۱-جی ایلدؤنومو تمام اولور.

Kult.az خاطرلادیر کی، فریدون بی احمد بی اوغلو کؤچرلی (کؤچرلینسکی) ۱۸۶۳-جو ایل یانوارین ۲۶-دا شوشادا دونیایا گلیب.

او، ۱۸۷۶-جی ایلده شوشاداکی روس مکتبینه داخیل اولور. آردینجا، زاقافقازییا معلملر سمینارییاسینا داخیل اولور و اورادا درس دئییر.

گوری معلملر سمینارییاسینین معزونو اولان فریدون بی ۲۳ یاشین‌دا ایروان‌دا تئاتر تاماشاسی تشکیل ائدیر. اون ایله یاخین بیر مدت عرضین‌ده ایروان‌دا هم پئداگوگ، هم ده بیر مدنیت خادمی کیمی فعالیت گؤسترن فریدون بی کؤچرلی یئرلی ضیالیلاردان میرزه محمد قمرلی ایله بیرلیکده ادبی گئجه‌لر تشکیل ائدیر، پویزییایا، ادبیاتا ماراغی اولان گنجلری بیر آرایا گتیره‌رک، اونلارین فورمالاشماسین‌دا بؤیوک زحمت چکیر. هله ایروان گیمنازییاسین‌دا معلم ایشلدیی ایللرده ترجمه‌چی‌لیکله مشغول اولان فریدون بی روس ادبیاتینین تانینمیش نماینده‌لریندن پوشکینین، لرمونتووون، کولتسووون و باشقالارینین اثرلرینی آنا دیلیمیزه چئویرمه‌یه باشلاییر. میرزه فتحعلی آخوندزادنین «آلدانمیش کواکیب» پووستینی ده ایلک دفعه روس دیلینه محض فریدون بی کؤچرلی چئویریب. بو دا فاکتدیر کی، آذربایجان و روس ادبیاتلارینین علاقه‌لری حاقین‌دا ایلک قیدلر فیریدون بیه مخصوص‌دور.

اؤلوموندن سونرا ۱۹۲۵-جی ایلده "آذربایجان ادبیاتی تاریخی ماتریاللاری" کیتابینین ۱-جی حیصه‌سی، ۱۹۲۶-جی ایلده ایسه کیتابین ۲-جی حیصه‌سی چاپ ائدیلیب. اوشاقلار اوچون یازدیغی "بالالارا هدیه" کیتابی ایسه ۱۹۶۷-جی، ۱۹۷۲-جی و ۲۰۱۳-جو ایللرده چاپ اولوندو.

فریدون بی کؤچرلی گنجه عصیانی یاتیریلدیقدان سونرا ۱۱-جی اوردونون خصوصی شعبه‌سی طرفیندن ۱۹۲۰-جی ایلده، ۵۸ یاشیندا گوله‌لنه‌رک دونیاسینی دییشیر.

قید ائدک کی، حیات یولداشی باد صبا خانیم وکیلوولار نسلینه منصوب ایدی. اؤتن عصر ادبیات شناسلیغینین انکشافین‌دا مستثنی خیدمتلری اولان فریدون بی کؤچرلی بو گون منصوب اولدوغو خالقینین یادداشیندا اؤلومسوزلشن ضیالیلارداندیر.