«حدیث» قیسامئتراژلی آنیماسییا فیلمی ۱۴-جو پاریس بین‌الخالق آنیماسییا فیلم فستیوالینین «تاماشاچی مکافاتی»نی قازانیب.

Kult.az بیلدیریر کی، بو باره‌ده فیلمین پرودوسری رشید آغامالییئو معلومات وئریب.

فیلمین پرمیراسی دونیانین ان بؤیوک آنیماسییا فستیوالی اولان آننجی بین‌الخالق آنیماسییا فیلملری فستیوالین‌دا اولوب. «حدیث» ۳۸ بین‌الخالق فستیوالا قبول اولونوب کی، بو فستیواللاردان دؤردو – آننجی، بوسان، آنیمست و ایزمیر «اوسکار» کوالیفیکاسییالی فستیواللاردیر. فیلم تورکییه، آلمانییا، ایتالییا، فرانسا، قازاخیستان، گرجستان، آذربایجان بین‌الخالق کینو فستیواللاریندا مکافاتلار قازانیب.

«حدیث» قیسامتراژلی آنیماسییا فیلمی ۲۰۲۲-جی ایلین سنتیابرین ۲۱-اینده ایران‌دا اعتراض آکسییالاری زامانی تهلوکه‌سیزلیک قوه‌لری طرفیندن قتله یئتیریلمیش ۲۲ یاشلی آذربایجان تورکو حدیث نجفییه حصر اولونوب.

فیلمین رژیسورو نذرین آغامالییئوا، پرودوسری رشید آغامالییئو، سناری مؤلفلری اسماعیل ایمان و نذرین آغامالییئوا، مصلحتچیسی مسعود پناهیدیر.

«آنیمافیلم ایستودیو»سونون ایستحصال ائتدیی «حدیث» فیلمی «شمالی کالیفورنییا آذربایجان مدنیتی مرکزی»نین مالییه و ایدئیا دستییله چکیلیب.