بو گون گؤرکملی قوبویچو، بسته‌کار و پئداگوگ کامیل جلیلووون دوغوم گونودور.

Kult.az خبر وئریر کی، او، ۱۹۳۸-جی ایل یانوارین ۲۹-دا باکینین بوزوونا کندینده ساده، زحمتکئش عائله‌ده دونیایا گلیب.

آتاسی ایکینجی دونیا محاربه‌سین‌ده آیاقلارینی ایتیریب، علیل آراباسی ایله گزیردی. دولگرلیک صنعتی ایله مشغول اولان آتاسینین موسیقییه ده ماراغی بؤیوک ایدی. اونا گؤره ده اوغلونون موسیقی مکتبینده تحصیل آلماغینی ایسته‌ییب. حتی کامیله بیر ناغارا دا دوزلدیب.

موسیقی مکتبینده تحصیل آلماغا باشلایان کامیل تصادفا ائشیتدیی قوبوی موسیقی آلتینین ایفاچیسی اولماق ایسته‌ییب. آنجاق آتاسی بو هوسه قارشی اولوب.

کامیل جلیلوو احمد باکیخانووون آنسامبلیندا قوشاناغارا چالیر، عینی زاماندا قوبوی درسلرینه گئدیردی.

دئییلنه گؤره، روبابه خانیم عمرونون سون گونلرینده خسته یاتاغیندا کامیل جلیلووون «زمینخاره»سینی دینله‌ییب آغلاییردی.

۱۹۷۷-جی ایلده اونون بالابان ایله ایفا ائتدیی «چهارگاه آهنگی» کومپوزیسییاسی «وویاجر» قیزیل پلاستینکاسینین ترکیبینده‌دیر.

قوبوی آلتینی موغام ژانرینا گتیره‌ن ایلک صنعتچیدیر. اونو دا قید ائدک کی، فیکرت امیرووون قوبوی و فورتپیانو اوچون «آلتی پیس»اینین ایلک ایفاچیسیدیر.

کامیل جلیلوو قوبویو آذربایجانجا «دانیشدیران» ایلک بؤیوک ایفاچی اولوب. بونون اوچون قوبویون اؤزونون «دیل»ی اویغون دئییلدی. اونا گؤره، صنعت‌کار خصوصی «دیل» دوزلتمک اوچون قامیش آختاریشینا چیخیر و ایستدیی سسی وئره‌ن قامیشی کوردمیرده تاپیر. بئله‌لیکله، آوروپانین قوبویو آذربایجانجا کوردمیر قامیشیندان حاضیرلانمیش «دیل»له دانیشیر.

اونو رسپوبلیکادا داها چوخ تانیدان ۲۰ یانوار شهیدلرینین دفنی زامانی چالدیغی «زمینخاره» مغامی اولور.

کامیل جلیلوو دئییب کی، ۲۰ یانواردان سونرا منی تویلارا یوخ، یاس مراسیملرینه چاغیردیلار. بو منیم صنعت حیاتیم‌دا گؤزلنیلمز بیر دؤنوش اولدو.

یقین چوخلاری بیلمیر کی، ۱۹۷۷-جی ایلده ناسا-نین «وویاگر ۱» پیکی ایله کوسموسا گؤندریلن قیزیل پلاستینکادا کامیل جلیلووون بالابان ایله چالدیغی "چهارگاه آهنگی" آدلی کومپوزیسییا دا وار.

کامیل جلیلوو ۲۰۲۲-جی ایل فورالین ۲۳-ده ۸۴ یاشیندا دونیاسینی دییشیب.