کولکسییامین شاه اثری اولان ۱۳ نادر آذربایجان خالچاسینی آذربایجان دولتینه هدیه ائتمه‌یه قرار وئرمیشه‌م.

Kult.az خبر وئریر کی، بونو اصلن گونئی آذربایجان‌دان اولان، حاضردا آمریکادا قدیم آذربایجان خالچالاریندان عبارت شخصی کوللئک‌سییا یارادان امیر اوسکولو دئییب.

اونون سؤزلرینه گؤره، مسئله ایله باغلی اوللر آذربایجان مدنیت ناظرلییی ایله علاقه یارادیب، هم خالچالار باره‌ده معلومات وئریب، هم ده رئاللاشدیرماق ایستدیی لاییحه‌لری تقدیم ائدیب.

«اومید ائدیره‌م کی، مسئول شخصلرله علاقه قورا بیله‌جه‌یه‌م، اونلار منی تانییاجاقلار و سسی‌می ائشیده‌جکلر. بو آرزولار منیم کؤنلومدن گلیر و وطنه اولان بؤیوک سئوگیدن قایناقلانیر. دؤیونه‌ن اورییم اولان آذربایجانین یاخین گله‌جکده منه و خالچالاریما قوجاق آچاجاغینا اومیدیم سونسوزدور»، - ا.اوسکولو وورغولاییب.

قید ائدک کی، آمریکانین نیو-یورک شهرینده صفویلر دورونده توخونولان و گونوموزه قدر قورونوب ساخلانیلان نادر آذربایجان خالچالاری نماییش اولونور.

«آذربایجان خالچا احتشامی: آنتیک توخوجولوقدا صفوی خزینه‌لری» آدلی سرگی آذربایجانین آمریکاداکی سفیرلییی و واشینگتن‌دا فعالیت گؤسترن آمریکا-آذربایجان تجارت پالاتاسینین بیرگه تشکیلاتچیلیغی، نیویورکداکی «تورک ائوی»نین ائو صاحب‌لییی ایله باش توتوب.