یقین، «قدر آغاجی اکجه‌م» ایفاده‌سینی مطلق ائشیتمیسینیز. عادتن، استهزا ایله دئییلیر، قدیر-قیمتین بیلینمه‌مه‌سی آنلامینی داشیییر. بس بو «قدر آغاجی» ایفاده‌سی ندیر؟

Kult.az «بئله یارانیب» روبریکاسیندا قدر قیمت آغاجی باره‌ده معلوماتی تقدیم ائدیر:

«قدر آغاجی» ایفاده‌سینین تورک دونیاسینا سیبیر و تایگادا یاشایان تورکلرین دیلیندن کئچمه‌سی احتمال اولونور. چونکی سؤزو گئدن قدر آغاجی، اساساً ، بو اراضیلرده بیتیب و سونرا دیگر جغرافییالارا یاییلیب.

«قدر آغاجی» ایفاده‌سی محکم‌لیک و اوزون عمور رمزی اولان کدر (سیدر) آغاجینین (لاتینجا سدروس) تحریفی نتیجه‌سینده یارانیب. بیر سیرا تورک دیلرینده «کئدر آغاجی» «قدیر-قدر» شکلینده ایشلنیر. کئدر آغاجی ۴۰–۵۰ متر هوندورلویه مالیک همیشه‌یاشیل آغاجدیر. قیمتلی و عطیرلی اودونجاغیندان مبل حاضیرلانیلیر، گمیچیلیکده ایستیفاده ائدیرلر. کئدر آغاجیندان تیکیلن تاختا ائولر یوز ایللرله عمور سورور، اونون قوزالاریندان دادلی مربا بیشیریلیر، اینه‌یه بنزه‌یه‌ن یارپاقلاریندان و قوزالاریندان حاضرلانان سیروپلارلا مختلیف خسته‌لیکلری معالیجه ائدیرلر. یاغلی توخوملاری یئییلیر و معالیجوی خصوصیتی وار. چوخ قدیم بیتکیلردن ساییلان و اروزییایا قارشی خیرلی اولان کئدر آغاجی ۵۰۰، بعضا ۳۰۰۰ ایله قدر یاشاییر. قدیم تورکلر بو آغاجدان بوت یونوب، اونا تانری کیمی عبادت ائدیبلر.

قدیم تورک حکمدارلاری بؤیوک غلبه‌لر قازاناندا، یئنی شاهزاده دوغولاندا، تاختاچیخما و س. مراسیملرده بو مناسیبتله کئدر آغاجی اکیلیردی. شاهلاری، حکمدارلاری شرفلندیرمک اوچون اکیله‌ن کئدر آغاجی زامانلا کاسیبلارین دیلینده زارافاتلا ایشلدیلمه‌یه باشلاییب. بئله‌جه دؤنوب اولوب ایستهزالی بیر ایفاده.
مسلمان افسانه‌رینه گؤره، جنتده ده آلتیندا مسلمانلارین دینجلجیی سیدر-کئدر آغاجی بیتیر.