چاغداش گونئی آذربایجان ادبیاتینین گنج نماینده‌لریندن بیری ده شاعر علی نوروشدیر.

Kult.az بیلدیریر کی، «چاغلا» تخلصو ایله یازان گنج شاعر علی نوروش ۲۰۰۲-جی ایلده گونئی آذربایجانین تبریز شهرین‌ده دونیایا گلیب.

آذربایجان دیلینین داشیدیغی حسرتی، آغرینی، نیسگیلی ایفاده ائد‌ن علی چاغلا گونئی آذربایجان‌دا یاشایان، یارادیجی‌لیغی ماراقلا ایزله‌نه‌ن پشه‌کار قلم آداملارییلا برابر آددیملایان گنجلردن بیریدیر.

گونئی آذربایجان ادبیاتینی اوستاد شهریار، حبیب ساهیر، سهند، صمد بهرنگی، علیرضا نابدل اوختای، همیده رئیسزاده سحر، مرضیه اوسکولو، غلامحسین سعیدی، حمید نطقی کیمی بؤیوک ادبیات آداملاری سایه‌سین‌ده تانیییب سئویب. بو گون اوستاد امضالارین یولونو اوغورلا داوام ائتدیره‌ن یوزلرله قلم آدامی، اؤز آنا دیلینده یازیب-یاراتماقلا دیلیمیزین، ادبیاتیمیزین، مدنیتیمیزین انکشافینا اؤز تؤهفه‌لرینی وئریر.

چاغداش دؤوروموزده گونئی آذربایجان ادبیاتینین یوکونو چیینلرینده داشییان، اؤز آنا دیلینده یازدیغی شعیرلری ایله بیزلری سئویندیرن، عینی زامان‌دا، آرازین بو تاییندا یاشایان قلم آداملارینین گونئی آذربایجان‌دا تانینماسی اوچون چالیشان پارلاق و اومیدوئریجی اونلارلا گنج امضالاردان بیری اولان گنج یازار علی نوروش هم ده ترجمه‌چیلیک و ناشیرلیک فعالیتی ایله مشغولدور.

او، «دلیلرین سئوگی‌سی" و "نیار کاروانی" رومانلارینین مؤلفی‌دیر. ناشیر فعالیتی ایله بابا وزیروغلو، قنیره پاشایئوا، انتقام یاشار، اژدر اول، موسی یعقوب کیمی قلم آداملارینین کیتابلارینین گونئی آذربایجاندا چاپینی و یاییلماسینی گئرچکلشدیریب.

علینین ادبیاتیمیزین تبلیغاتی، تانیدیلماسی اوچون گؤردویو ایشلری، ترجمه‌چی و ناشیر کیمی فعالیتینی، نثر یارادیجیلیغینی تقدیره لاییقدیر.

اونو شاعر کیمی ناراحات ائد‌ن پروبلملر گئتدیکجه احاطه‌سینی گئنیشلندیریر، گلوباللاشیر، بشری اهمیت کسب ائدیر.

آشیق شعیرینین مختلیف نوع‌لرینه مراجعت ائتمه‌سی، عنعنوی شعیر نمونه‌لرینده داها راحت ایفاده امکانلاری تاپماسی تقدیره‌لاییق اولسا دا، گنج شاعرین معاصر دونیا پویزییاسی ایله داها احاطه‌لی و دریندن تانیش اولماسی آرزولاناندیر.

علی چاغلا گونئی آذربایجان‌دا یاشاییب-یارادان دیگر ادبیات نماینده‌لری کیمی، دیل و تبلیغات امکانلارینین محدودلوغونا باخمایاراق، اؤز میللی کیملیینی، ادبیاتینی تانیتدیرماغا چالیشیر.

درد مکتبی

منه درد مکتبین‌ده،

آیریلیق اؤیرتدیلر.

عشق آدلی الیفبایلا،

قلبیمه ظلم ائتدیلر.

آ-دان باشلامادیم من،

آغلاماقدان باشلادیم.

معلم‌دن قورخاراق،

اؤزومو چوخ داشلادیم.

"ب" همن "بیز"-ه دؤندو،

بیز کدرین سونویدوق.

بیز، بی‌لرین آلماسی،

گلینلرین دونویدوق.

آلما کیمی آتیلدیق،

بیزی توتان جاناوار،

پارام-پارچا ائلدی.

بعضا ده بیز ساتیلدیق؛

دئمک، دونیا بئله‌دی.

دونا دؤندوک، مین دونا،

گلینین دونو یاندی.

دونلا بیز یانا-یانا،

درد یوخودان اویاندی.

"ظ" همن ظولومویدو،

بیز اوشاق، نه بیلیردیک؟

بؤیودوکجه، ائله بیل،

قوجالیردیق، اؤلوردوک.

اؤلوم دئمه، عزیزیم،

اونسوز دا اؤلو ایدیک.

بیز خار ایله ساواشان، -

باغلارین گولو ایدیک.

دردیمیز سئوگی اولدو

سونرا دوشدو آیریلیق.

یانیب، یانیب آلیشدیق،

قلبی دئشدی آیریلیق.

"آیریلیق، آیریلیق، آمان آیریلیق،

هر بیر درددن اولان یامان، آیریلیق."