بو گون خالق آرتیستی علی‌بابا مممدووون آنادان اولماسینین ۹۴-جو ایلدؤنومو تمام اولور.

Kult.az خبر وئریر کی، آذربایجان مدنیتینین ان گؤرکملی نماینده‌لریندن بیری اولان علی‌بابا مممدوو ۱۹۳۰-جو ایل فورالین ۵-ده باکینین ماشتاغا کندینده آنادان اولوب.

اورتا مکتبی بیتیردیکدن سونرا او، ۱۹۵۶–۱۹۶۰-جی ایللرده آصف زینال‌لی آدینا باکی اورتا ایختیصاص موسیقی مکتبینده مشهور خواننده سید شوشینسکینین صینفین‌ده موسیقی تحصیلی آلیب، مدنی ارثیمیزین توکنمز خزینه‌سی اولان مغامین سیرلرینه دریندن ییلنیب.

امک فعالیتینه ۱۹۴۰-جی ایللرین سونوندا آذربایجان دولت فیلارمونییاسینین سولیستی کیمی باشلایان علی‌بابا مممدوو ۱۹۶۸-جی ایلده «همایون» خالق چالغی آلتلری آنسامبلینی یارادیب و عمرونون سونونادک همین آنسامبلا رهبرلیک ائدیب. علی‌بابا مممدوو بو آنسامبلین بدیعی رهبری و ایلک سولیستی اولدو.

۱۹۵۹-جو ایلده مسکوادا کئچیریلن آذربایجان ادبیاتی و اینجه‌صنعتی اون گونلویونده اشتراک ائد‌ن بولبول، خان شوشینسکی، شوکت علکبرووا، سارا قدیمووا، حاجی مممدوو کیمی صنعتکارلار آراسیندا علی‌بابا مممدوو دا وار ایدی. او زامان اونون اوخودوغو "بایاتی کورد" مغامی تماشاچیلار طرفیندن بؤیوک رغبتله قارشیلانیب. ایلک دفعه سووت حکومتینین فخری فرمانینا دا همین ایل لایق گؤرولوب.

اوستاد خوانندنین خصوصی مهارتله ایفا ائتدیی «راست»، «شور»، «بیاتی-شیراز»، «رهاب»، «دشتی» و باشقا مغام دستگاهلاری کامیل صنعت نمونه‌لری سوییه‌سینه یوکسلیب و موسیقی مدنیتیمیزین قیزیل فوندوندا اؤزونه همیشه‌لیک یئر توتوب.

علی‌بابا مممدوو خواننده‌لیک فعالیتی ایله یاناشی، ۱۹۶۳-جو ایلدن اعتباراً یاریم عصردن آرتیق بیر دؤور عرضینده ایندیکی باکی موسیقی کالج‌ینده، بولبول آدینا اورتا ایختیصاص موسیقی مکتبینده و آذربایجان میللی کنسرواتورییاسیندا درس دئییب، مغام صنعتینین اینجه‌لیکلرینی گنج ایفاچیلار نسلینه آشیلاییب

علی‌بابا معلم بسته‌کارلیق ادعاسیندا اولماسا دا بیر قدر اولده آدلارینی چکدییمیز شاعرلرین سؤزلرینه بیر-بیریندن بنزرسیز، یادداقالان، سئویله‌ن ماهنیلار بسته‌له‌ییب. بئله ماهنیلارین تکجه آدلارینی چکمک کیفایتدیر کی، یادداشینا یازیلان موسیقینی شیرین-شیرین زومزومه ائد‌سن. «ایناندیر منی»، «یاشا هله»، «منیم آذربایجانیم»، «مخالیف تصنیفی»، «شور تصنیفی»، «وطن یاخشی‌دیر»... خانندنین یارادیجیلیق فعالیتینده هر زامان محبتله خاطیرلانان، ایفاسی آرزولانان مکمل موسیقی اینجیلریندندیر.

حال-حاضردا «خدایار تصنیفی « کیمی مشهورلاشان «وطن یاخشی‌دیر»ماهنی‌سی هم بؤیوک صنعتکارین، هم ده اونودولماز شهیدیمیز خدایار یوسیفزادنین ایفاسیندا چوخ سئویله‌رک دینلنیلیر.

خالق آرتیستی علی‌بابا مممدوو ۲۰۲۲-جی ایل فورالین ۲۵-ده عمرونون ۹۲-جی ایلینده وفات ائدیب و بیرینجی فخری خیاباندا دفن اولونوب.