بو گون میللی قهرمان مباریز ابراهیمووون دوغوم گونودور.

Kult.az خبر وئریر کی، مباریز ابراهیموو ۱۹۸۸-جی ایل فورالین ۷-ده بیله‌سووارین علیاباد کندین‌ده آنادان اولوب.

۱۹۹۴-جو ایل شهید پیریو آدینا علی آباد کند اورتا مکتبینین ۱-جی صینفینه داخیل اولاراق ۲۰۰۵-جی ایلده اورادا اورتا تحصیلینی باشا ووروب.

همین ایل حقیقی حربی خیدمته چاغیریلیب. عسگری خیدمتینی داخیلی قوشونلارین «ان» سایلی حربی حیصه‌سینین خصوصی تعینات‌لی بؤلویونده کئچیریب. حقیقی حربی خیدمتینی ۲۰۰۷-جی ایلده چاوش روتبه‌سینده باشا ووروب.

بیر مدت ملکی ایشلرده ایشلدیکدن سونرا ۲۰۰۹-جو ایلین آوگوست آیین‌دا یئنی‌دن گیزیر روتبه‌سینده حربی خیدمتده چالیشماغا باشلاییب. بیر مدت سونرا اؤز آرزوسو ایله جبهه بؤلگه‌سینده‌کی حربی حیصه‌لردن بیرینده خیدمت ائدیب.

«من یولومو سئچمیشم. دوشمن‌دن اورییمجه قیصاص آلماسام، ائله بیلره‌م کی، اللهیم دا، والیدینلریم ده منی باغیشلاماز. وطنین آزادلیغی اوچون قربان لازیمدیرسا، بیری من...» – دئییب.

.دوز ۱۰ ایل اول، ایونون ۱۸-دن ۱۹-آ کئچه‌ن گئجه ترتر رایونونون چایلی کندی یاخینلیغیندا ۲۲ یاشلی گیزیر مباریز ابراهیموو دؤیوش نوبه‌سینده اولدوغو واخت دوشمن طرفیندن آتشکس رژیمینین پوزولماسی نتیجه‌سینده باشلانان آتیشمادا شخصی رشادت نماییش ائتدیریر. تکباشینا تماس خطینین بیر کیلومترلیک مینالانمیش ساحه‌سینی کئچیر. قفیل حمله‌سی ایله ارمنیستان اوردوسونون چوخ سایدا عسگر و ظابطینی محو ائدیر. سونرا ایسه دوشمنین اؤز سلاحلاریندان اونون اؤزونه قارشی ایستیفاده ائد‌رک ۵ ساعت تکبتک دؤیوشور. دوشمنی چوخ آغیر ایتکیلره معروض قویور. آذربایجان دؤیوشچوسو سحره یاخین غیری-برابر دؤیوشده قهرمانجاسینا شهید اولور.

آذربایجان پرزیدنتی جناب ایلهام علیئوین ۲۲ ایول ۲۰۱۰-جو ایل تاریخلی سرانجامی ایله گیزیر مباریز آغاکریم اوغلو ابراهیمووا آذربایجان رسپوبلیکاسینین موستقیل‌لییی و اراضی بوتولویونون قورونماسیندا موستثنی خیدمتینه و گؤستردیی رشادته گؤره اؤلوموندن سونرا «آذربایجانین میللی قهرمانی» آدی وئریلیب، "قیزیل اولدوز" مئدالی، "وطن اولادی" قیزیل اوردئنی ایله تلتیف ائدیلیب. او، همچینین آذربایجان‌دا ایلین آدامی مکافاتینا لاییق گؤرولوب.

ایگید مباریزین دوشمن طرفده قالمیش نشی بیر مدت سونرا عالی باش کمان‌دان ایلهام علیئوین قطیعت‌لی سعیلری سایه‌سینده آلیناراق دوغما وطنه گتیریلیب.

پرزیدنت ایلهام علیئو قهرمانلا ویداع مراسیمینده‌کی نیطقینده اونون ابدیت یولچولوغونو یوکسک قیمتلندیریب: «مباریز یاخشی بیلیردی کی، او دؤیوشدن ساغ-سالامات چیخا بیلمه‌یه‌جک. آنجاق وطن، تورپاق سئوگیسی، اوندا اولان وطنپرورلیک روحو اونو شهیدلیک زیروه‌سینه اوجالتدی. مباریز بوتون گنجلر اوچون اؤرنکدیر، نمونه‌دیر... بیزیم اوردوموزدا مینلرله، اون مینلرله مباریز کیمی، فرید کیمی قهرمانلار واردیر...آذربایجان اوردوسو جنوبی قفقازدا ان قدرت‌لی، ان پشه‌کار، ان مباریز اوردودور و شهیدلریمیزین قهرمان‌لیغی بونو بیر داها ثبوت ائدیر».

پرزیدنت ایلهام علیئو ۲۰۱۰-جو ایلین ایولون ۲۲-ده آذربایجان میللی اوردوسونون گیزیری مباریز آغاکریم اوغلو ابراهیمووا «آذربایجانین میللی قهرمانی» آدینین (اؤلوموندن سونرا) وئریلمه‌سی باره‌ده سرانجام ایمضالاییب.

شهید گیزیره بو آد آذربایجان رسپوبلیکاسینین موستقیللیینین و اراضی بوتؤولویونون قورونوب ساخلانیلماسین‌دا موستثنی خیدمتینه و گؤستردیی رشادته گؤره وئریلیب.

بیزلر اوچون مباریز اؤلمه‌ییب. هر بیر شهیدیمیز کیمی ابدیاشاردیر مباریز. مباریز، وطن نامینه جانیندان کئچیب، تورپاغی وتنلشدیردی.

بایراقلاری بایراق یاپان اوستونده‌کی قاندیر،

تورپاق، اوغروندا اؤلن وارسا، وطندیر!