هر گون کئچدیینیز کوچه‌لرین نیه بو آدلاری داشیدیغینی بیلیرسینیز؟

دوغما کوچه‌لریمیزین یاد آدلاری چوخ واخت دقتیمیزی چکیر. نیه قویولوب بو آدلار؟

طبیعی کی، چوخوموز آدلارین نیه، نه سببه، کیم اوچون قویولدوغوندان بیخبریک.

بس بیز، هر گون کئچدییمیز کوچه‌لرین تاریخینی نیه بیلمیریک؟

Kult.az «بیزیم کوچه‌لر روبریکاسیندا آبای کونانبایئو کوچه‌سینین تاریخچه‌سینی تقدیم ائدیر:

بو کوچه پایتختین بینه‌قدی رایونو اراضی‌سینده یئرلشیر.

آبای کونانبایئو ۱۸۴۵-جی ایلین ۲۹ ایولوندا قازاخیستانین سمئی ویلایتینده، آغاسلطان عائله‌سینده آنادان اولوب. ایلک تحصیلینی ملاخانادا آلان آبای، داها سونرا روس مکتبینده اوخوماغا داوام ائدیب. آتاسی اونو دولت اورگانلارین‌دا ایشه دوزلتمک ایسته‌سه ده، کونانبایئوین یولو باشقا اولوب.

او، ۱۲ یاشیندان شعیر یازماغا باشلاییب، لاکین ۴۰ یاشینا قدر موللیفلیینی گیزلدیب. آبای کونانبایئو قازاخ ادبیاتینین بانیلریندن بیریدیر. ساغلیغیندا شعیرلری شفاهی و الیازماسی شکلینده یاییلیب. ایلک کتابی ۱۹۰۹-جو ایلده سانکت-پطربورگدا (قازاخ دیلینده) چاپ اولونوب. ادبی ارثی ساتیریک، لیریک شعیر و پویمالاردان ("ماسقود"، "عظیم حاقین‌دا ناغیل"، "اسگندر")، بدیعی-فلسفی نثر اثرلریندن ("عقلییه") عبارتدیر. آبای کونانبایئو قازاخ ادبیاتینا یئنی موضوع‌لار (سوسیال عدالتسیزلیکلرین تنقیدی، آنتی‌کلریکال موتیولر، صنعتکارین قایه‌سی حاقین‌دا فیکیرلر)، یئنی شعیر فورمالاری (مقدس، مثنوی) گتیریب. او، هم ده ایستعدادلی بسته‌کار اولوب، شعیرلرینه موسیقی بسته‌له‌ییب.

معاصرلری "عقلییه" اثرینی اونون یارادیجیلیغینین زیروه‌سی حساب ائدیرلر. یازیچی بو اثری جوانلارا عنوانلاییب. او بورادا مقاییسه‌لر آپاراراق دورون چاتیشمازلیقلارینی گؤسترمه‌یه چالیشیب.

"ای منیم خالقیم، بو قدر طبیعی ثروتیمیز اولدوغو حالدا نیه یئنه بئله یوخسوللوق ایچینده یاشاییریق؟

خاریجی وارلیلار آز دا اولسا دولتین انکشافی، خالقین گوزارانینین یاخشیلاشماسی اوچون نه ایسه ائدیرلر، بیزیم قازاخ بیلری ایسه ایکی شئیی باجاریر: چوخلو ات یئمیی و چوخلو آرواد آلماغی" - آبای بو اثرینده خالقا مراجعتینده دئییر.

"عقلییه" اثرینده روس و تاتار خالقلاری ایله قازاخ خالقی مقاییسه اولونور، یازیچی خالقینین وضعیتینه آجیییر. همچینین اونون روسییایا غیری-عادی رغبتی ده اثرده دویولور. باخمایاراق کی، ۱۹-جو عصرده روسییا قازاخیستانی اشغال ائدیب. اما او دوشونور کی، روسییا قانونلارییلا قازاخیستان انکشاف ائدیر. ادیب عمرونون آهیل چاغلاریندا روسییانین اشغالچی‌لیق سیاستینی آنلاییر. بونونلا بئله آبای خالقین معاریفله‌نمه‌سینده بؤیوک رول اوینایان روس ضیالیلارییلا، خالقین قانینی ایچن روس مأمورلارینی عینیلشدیرمیر.

او، تمیز، صاف محبتی ترنم ائدیب، ایلین فصیللرینه حصر اولونان شعیرلری ایله قازاخ پویزییاسینین گؤزل نمونه‌لرینی یارادیب.

محبتی اینسانلارا آشیلایان شاعر ۱۹۰۴-جو ایلده دوغولدوغو یئرده، ۵۸ یاشیندا ایشیق‌لی دونیایا گؤزونو یومور.

۲۰۱۱-جی ایلده باکی‌دا آبای کونانبایئوین شرفینه خاطره لؤحه‌سینین آچیلیشی اولوب. حاضردا باکینین بینه‌قدی رایونوندا یئرلشن کوچه‌یه اونون آدی وئریلیب.