هامینیز آللا پوقاچووانین ایفاسیندا لئون بریدیسین سؤزلرینی یازدیغی، رایموند پاولسون موسیقی‌سینی بسته‌لدیی "میلیون قیزیلگول" ماهنی‌سینی بیر دفعه ده اولسا دینلمیسینیز. بو ماهنینین ایلک ایفاچی‌سینین آذربایجان اصیل‌لی موغه‌ننی گوگوش اولدوغو دئییلیر. قوشوش بو ماهنینی ۱۹۶۹-جو ایلده اوخویوب. آللا ایسه ۱۹۸۲-جی ایلده. آللانین ایفاسیندا بیه‌نیله‌ن ماهنینین پلاگیات اولماسی مختلیف سؤز-صحبتلره سبب اولوب. بو صحبتلر هر ایکی موغه‌ننینین ایفاسینین محتشم اولماسی ایله باغلی عمومی فیکره گؤلگه سالا بیلمه‌ییب.

Kult.az ماهنینین مزموندا بحث اولونان میلیون قیزیلگول حاقین‌دا افسانه‌نین یارانما تاریخینی تقدیم ائدیر:

«ماهنی‌دا یوخسول بیر رسامین اؤز اثرلرینی ساتیب، سئودیی خانیما ۱ میلیون عدد قیزیلگول آلماسیندان بحث ائدیلیر. دئییلنه گؤره، نیکو پیروسمانی (نیکولوز پیروسماناشویلی) آدلی گورجو اصیل‌لی هوسکار بیر رسام مارقاریتا دسئور آدیندا فرانسیز اصیل‌لی بیر آکتریسایا آشیق اولور. اونو تیفلیس‌ده گؤره‌ن رسام گؤزللیینه حیران قالیر. آکتریسا شهرده اولدوغو مدتده نیکولوز اونون بوتون تماشالارینا باخماغا گئدیر. حتی بیر دفعه یئریندن قالخاراق: "قادین دئییل، مرواریدیر" - دئیه قیشقیریر. مارقاریتانین سئوگیسینی قازانماق ایسته‌یه‌ن پیروسماناشویلی اونون مختلیف فورمادا رسملرینی چکیر، گؤردویو آندا یئره ییخیلیب آیاق ایزلرینی اؤپور. لاکین رسامین بو حرکتلری مارقاریتادا اکراه حسی دوغورور. وضعیتی بئله گؤره‌ن رسام بوتون اثرلرینی ساتاراق، همین پولا ۱ میلیون عدد قیزیل گول آلاراق سئودیی خانیما گؤندریر.

بو سئوگینی گؤره‌ن مارقاریتا نهایت نیکونون قارشی‌سینا چیخیر و دوداغیندان اؤپور. بو حادثه‌دن سونرا اونلار بیر داها گؤروشمور.

نیکو پیروسمانی ایسه باش وئرنلردن سونرا یوخسول و احتیاج ایچریسینده یاشایان اینسانا چئوریلیر. بیر نئچه ایل سونرا نیکو پیروسمانینین اؤزو کیمی رسام اولان ایلیا و کیریلل زدانویچ قارداشلاری ایله تانیشلیغی اونون حیاتینی دییشیر. اونون اثرلری دونیا میقیاسینا چیخسا دا نیکو پیروسمانی اصل قیمتینی اؤلوموندن سونرا آلیر.

او، ۱۹۱۸-جی ایل، آپرلین ۷-ده تیفلیس‌ده وفات ائدیب.