بو گون آشیق اسفندیارین آنیم گونودور .

Kult.az خبر وئریر کی، اسفندیار ادیل اوغلو روستموو ۱ ایول ۱۹۳۷-جی ایلده گدبی رایونونون گرگر کندینده دوغولوب.

لاپ ارکن یاشلاریندان آشیق صنعتی ایله مشغول اولان اسفندیارین ایلک اوستادی آتاسی ادیل کیشی اولوب. او، آتاسینین یانین‌دا ۵ ایل صنعت اؤیرندیکدن سونرا صنعتکار کیمی فعالیته باشلاییر.

۱۹۵۸-جی ایلده اس.اس.ار.ای-نین ۵۰ ایللیک یوبیلیی مناسیبتیله کئچیریلمیش فستیوال‌دا بیرینجی درجه‌لی دیپلم و دؤش نیشانینا لاییق گؤرولوب.

۱۹۶۴-جو ایلده ۹ نفر گنج آشیغی اطرافینا توپلایاراق آنسامبل یارادیب، بو آنسامبل تئزلیکله آذربایجاندا مشهورلاشماغا باشلاییب.

۱۹۷۲-جی ایلده آشیق علسگرین آنادان اولماسینین ۱۵۰ ایللیک یوبیلیی مناسیبتیله مسکوادا کئچیریلن تدبیرده آذربایجاندان اولان نماینده هئیتینه آشیق اسفندیارین رهبرلیک ائتدیی آنسامبل دا داخیل ایدی. آنسامبل اورادا اوغورلا چیخیش ائد‌رک آشیق علسگرین یوبیلی مئدالینا لاییق گؤرولوب.

آشیق اسفندیار بیر سیرا خاریجی اؤلکه‌لرده گاسترول سفرلرینده اولوب و کئچیریلن یوکسک سوییه‌لی تدبیرلرده اشتراک ائد‌رک مکافاتلارلا دوغما وطنینه قاییدیب. آشیغین حیات و یارادیجی‌لیغی ۲۰۰۷-جی ایلده درج ائدیله‌ن "باش ساری تل" کیتابیندا اؤز عکسینی تاپیب.

آشیق اسفندیار حاقیندا "استاد نفسی" سندلی فیلمی چکیلیب. ۰۹.۰۲.۲۰۱۸-جی ایلده ۸۰ یاشیندا باکی‌دا دونیاسینی دییشیب.