سامووار سؤزو آچیق-آشکار روس سؤزودور، معناسی «اؤزو بیشیرن» دئمکدیر. بس سامووارلار ایلک دفعه روسییادا کشف اولونوب؟

Kult.az «بئله یارانیب» روبریکاسین‌دا سامووارلارین یارانما تاریخجه‌سی باره‌ده ماراق‌لی فاکتلاری تقدیم ائدیر.

معاصر سامووارلارین وطنی روسییا ساییلسا دا، ان قدیم سامووارین وطنی آذربایجاندیر. یاشی ۳۷۰۰ ایل اولان ان قدیم سامووار شکی بؤلگه‌سینده تاپیلیب و او، یاشی ۲۰۰۰ ایل اولان مصر ساموواریندان داها قدیمدیر. سامووار روسییایا چایلا بیرلیکده چین‌دن ۱۷-جی عصرده گتیریلیب. چین‌دن گتیریله‌ن ایچریسینده مایع‌نی ایسیتمه‌یه امکان وئرن کؤزله قیزیدیریلان قورغونون آدی هو-گو ایدی. هو-گو چای دمله‌مک اوچون نظرده توتولموردو. او یئمیین سویوماماسی اوچون ایستیفاده ائدیله‌ن، آلتیندا مانقال قویولموش قاب ایدی.

لاکین قدیم دؤورلرده بئله قورغولاردان رومالیلار و فارسلار دا ایستیفاده ائدیردیلر.قدیم رومالیلار اونا آوتپسا دئییردیلر، شراب قیزدیرماق اوچون ایستیفاده ائدیردیلر. فارسلاردا دا بئله «قیزدیریجیلار» وار ایدی. وولگابویو بلژامن شهرینده آپاریلان قازینتیلار زامانی مونقوللارا مخصوص میس قیزدیریجی قالیقلاری آشکار ائدیلیب.چایین وطنینین چین اولدوغونو نظره آلساق، چای بیشیره‌نین ده وطنی چین حساب اولونا بیلر.معاصر سامووارلار ایسه ۱۷۷۸-جی ایلده‌ن تولا سلاح زاوودلاریندا ایستحصال اولونماغا باشلادی. تولادا سامووارلارین ایلک ایستحصالچیلاری ۱۸-جی عصرین سونلاریندا سامووار موسسه‌سی آچان لیسیتسین قارداشلاری ایدی. اونلار میس‌دن حاضرلانیردی. سونرالار سامووارلار دبه دوشدوکجه مختلیف ایستحصالچیلار یاراندی و هر کس اؤز سامووارینی داها گؤزل، داها زؤوقله حاضیرلاماغا باشلادی.مختلیف اوسلوبلو سامووارلار میدانا چیخدی: «ایمپرییا»، «کراتر»، سامووار-کوپ، سامووار-دولیا، سامووار-شوشه و س. مطبخ، کوفه، سیاحت و کروسین سامووارلاری ایستحصالا بوراخیلدی.

بیرینجی دونیا محاربه‌سینین اولین‌ده تولا ایلده ۶۶۰.۰۰۰-دن چوخ سامووار ایستحصال ائدیردی. تولا اوستالاری اولان لیسیتسین، کاپیرزین، لوموو، شمارین، کورنین، وورونتسوو، باتاشوین ال ایشلری هم روسییادا، هم ده آوروپادا مشهور ایدی.

بس شکی‌ده‌کی قدیم سامووار اورا هارادان گلیب چیخیب؟ باخ بو معمانین اوزرینده‌کی سیرر پرده‌سی هله ده آچیلماییب. بیر اونو بیلیریک کی، ۲ عصردن چوخدور آذربایجانلی خانیملارین جهیزین‌ده بوینونا قیرمیزی کالاغایی باغلانمیش سامووار مطلق اولور. سامووار آذربایجانلیلار اوچون ایستی اوجاغین، عائله‌نین سیموولونا چئوریلیب.