قارداش تورکییه‌نین چاغداش خالق پویزییاسینین اونلو نماینده‌لریندن اولان اوزان عاریفین وفاتیندان ۵ ایل اؤتور.

Kult.az خبر وئریر کی، او، ۱۹۴۹-جو ایلده تورکییه‌نین گیرسون بؤلگه‌سینده دونیایا گلیب.

"یا قاراباغ، یا اؤلوم" شعیری ایله تورک دونیاسینین رغبتینی قازانان اوزانین اصل آدی عاریف شیرین‌دیر. هله گنج یاشلارین‌دا صنعته، موسیقی آلتلرینه بؤیوک ماراق گؤستریب.

شاعر سامسون‌دا ابتدای و اورتا مکتبی بیتیردیک‌دن سونرا قیسا مدتده چوخ بؤیوک عائله‌سینه مادی دستک وئره بیلمک اوچون معلم‌لیک ائتمه‌یه باشلاییب. اوغلانلار اوچون معلملر مکتبینی بیتیره‌ن اوزان عاریف یاشیدلاری آراسیندا مکتب ایللرینده قیشدا اوخویان، یایدا تصروفاتدا ایشله‌یه‌ن طلبه کیمی تانینیردی.

عاریف شیرین ۱۹۷۲-جی ایلده سئویب-سئچدیی سهیلا خانیملا عائله حیاتی قوروب. اونلارین محمت آلپ آدلی اوغلو وار.

قدیم تورک خالق چالقی آلتلرینین ماهیر ایفاچی‌سی کیمی تانینیر. او، تورک خالق موسیقی‌سینی، ایلاهیلری و آذربایجان موسیقیلرینی گئنیش آودیتورییایا اؤز سسی و ایفا طرزی ایله سئودیره بیلیب. اوزانین باکی‌دا ۲۰۰۵-جی ایلده وئردیی کنسرت آنشلاقلا کئچمیشدی.

۲۰۱۹-جو ایلین بو گونو اوزون سوره‌ن خسته‌لیکدن سونرا سامسون‌دا دونیاسینی دییشیب. جمعی ۶۹ ایل عمور سورسه ده تورک سودالی‌سی اولان بیر اوزان کیمی عمور بویو خاطیرلاناجاق.