«سئوگیلیلر گونو» هر ایل ۱۴ فورال‌دا دونیانین بیر چوخ اؤلکه‌لرینده، ائلجه ده آذربایجاندا قید ائدیلن اؤزل گوندور. خصوصیله بو گون اینسانلار سئوگیسینی داها بؤیوک دقتله گؤسترمه‌یه، دیر وئردیکلرینی سئویندیرمه‌یه چالیشیر. اؤزل هدیه‌لر، گوللر، خوش سورپریزلرله سئوگی و رومانتیزمین قید ائدیلدیی بو گون داها دا یاددا قالان ائدیلیر.

Kult.az ۱۴ فئورال سئوگی‌لیلر گونونون یارانما تاریخجه‌سینی تقدیم ائدیر.

قدیم رومادا ۱۴ فورال گونو بوتون رومالیلار اوچون اهمیتلی بیر گون ایدی. چونکی بو گونده روما تانری و تانری طرفیندنلرینین کرالیچاسی اولان ژونویا ائدیله‌ن حؤرمته گؤره تعطیل ائدیلردی. ژونو آیریجا روما خالقی طرفین‌دن قادین‌لیق و ائولیلیک تانریچاسی اولاراق دا بیلینیردی. بو گونو ایزله‌یه‌ن ۱۵ فورال گونونده ایسه لوپرکالیا بایرامی باشلاییردی.

بو بایرام خالقین گنج اهالیسی اوچون بؤیوک اهمیت داشیییردی. بونون سببی ایسه حیاتلاری قطعی قایدالار ایله محدودلاشدیریلمیش، بونون طبیعی نتیجه‌سی اولاراق بیرلیکده حیاتا شانسی اولمایان بو گنجلر یالنیز بو بایرام مدتینده بئله اولسا، بیر-بیرلرینین پارتنری اولوردولار. هانسی گنج قادینین هانسی گنج کیشی ایله بیر جوت میدانا گتیرجیی کهنه بیر عنعنه اولان و لوپرجالیا بایرامینین عرفه گونو ائدیلن بیر پوشک ایله معین اولوردو. رومالی گنج قیزلار آدلارینی کیچیک کاغیذ پارچالارینین اوزرینه یازیب بیر قابا قویوردولار. گنج رومالی کیشیلر ایسه قابدان بو کاغیذلاری چکه‌رک اوزرینده هانسی قیزین آدی یازیلیبسا، او قیزلا بایرام ایله‌نجه‌لری بویو بیرلیکده اولوردولار. بو بیرلیکده‌لیکلر بیر-بیرینه آشیق اولان جوتلر اوچون بایرام مدتینین خاریجینه داشیب، عمومیتله، ائولیلیکله سونلانیردی.

ایمپراتور ۲-جی کلاودیوس رومانی اؤز برک قایدالاری ایله ظالمجا ایداره ائد‌ن بیر حکمدار ایدی. اونون اوچون ان بؤیوک پروبلم اوردوسوندا دؤیوشه‌جک عسگر تاپا بیلمه‌مک ایدی. بو وضعیتین تک سببی رومالی کیشیلرین اؤز خانیملارینی و عائله‌لرینی بوراخماق ایسته‌مه‌مه‌لری ایدی. بونا گؤره ده روماداکی بوتون نیشان و ائولیلیکلری آرادان قالدیردی.

عزیز والنتین ده کلاودیوسون حکمدارلیغی زامانیندا رومادا یاشایان بیر کشیش ایدی. اؤزو کیمی کشیش اولان عزیز ماریوسلا بیرلیکده کلاودیوسون قاداغاسینا باخمایاراق گیزلیجه جوتلری ائولندیرمه‌یه داوام ائتدی. آنجاق ایمپراتور بو وضعیتی بیر مدت سونرا اؤیره‌ندی. عزیز والنتین اینسانلاری ائولندیرمه‌یه داوام ائتدیی اوچون حبس اولوندو و ائتدیکلرینین جزاسی اولاراق چوبوق ایله دؤیوله‌رک اؤلدورولدو. میلاددان سونرا ۲۷۰-جی ایلین ۱۴ فورال تاریخین‌ده خریستیان شهیدلیینده باسدیریلدی.

عینی زامانلاردا روماداکی بت پرستلر فورال آیی ایچینده قید اولونان لوپرجالیا بایرامینی اؤز بت پرست تانریلاری اوچون قید ائدیردیلر. بایرامدان اولی ائدیلن عنعنوی پوشکو اؤزلری اوچون تطبیقه باشلادیلار. خریستیان کیلسه‌سینین ایلک قورولدوغو ایللرده خیدمت ائد‌ن کئشیشلر بو مراسیملرین، خصوصیله ده ائولنممیش گنجلرین بت پرستلرله بیرلیکده خاطیرلانماسیندان ناراحات اولدوقلاری اوچون بیر حل تاپدیلار. بو گنجلرین آدلارینین عزیزلرله بیرلیکده خاطیرلانماسینی ایستدیکلری اوچون لوپرجالیا بایرامینین باشلادیغی گونو عزیز والنتین گونو اولاراق قید ائتمه‌یه باشلادیلار. او گوندن باشلایاراق هر ایلین ۱۴ فورالی سوگی‌لیلر گونو اولاراق قید اولونماغا داوام ائدیر.

ایللر کئچدیکجه یاواش-یاواش ۱۴ فورال سئوگیلیلرین، عاشیقلرین بیر-بیرلرینه عشق مساژلاری گؤندردیی بیر گونه چئوریلدی. بونونلا پارالئل اولاراق عزیز والنتین ده بوتون سئوه‌نلرین قورویوجو عزیزی حالینا گلیب بئله خاطیرلانماغا باشلاندی.

سئوگیلیلر گونو ۱۸۰۰-جو ایللردن سونرا آمریکادا استر هولاندین ایلک سوگی‌لیلر گونو کارتینی گؤندرمه‌سیندن بو یانا چوخ سایدا اینسانین قید ائتدیی اجتماعی بیر حادثه حالینا گلدی.