۳۰ ایل داوام ائد‌ن اشغال دؤورونده ارمنیلر آذربایجان تورپاقلاریندا داشی داش اوسته قویمادیلار.

Kult.az گورانبویون اوزون مدت منفور قونشولاریمیز طرفیندن سؤزون اصل معناسیندا جهنمه چئویردیی ایشغال آلتیندا اولان گلستان کندی حاقیندا خبری تقدیم ائدیر.

اشغال ائتدیکلری اراضیلریمیزده‌کی یورد یئرلریمیزی یاغمالاماقلاری آزمیش کیمی، طبیعتینه بئله، دیوان توتدولار. سانکی هر داشدان، هر جیغیردان، ارمنی ظلموندن خلاص اولانلاریمیزین قصاصینی آلدیلار.

ویران قویدوقلاری ائولرین صاحبلری بیر گون مطلق قاییداجاق قورخوسو ایله دوز ۳۰ ایل او تورپاقلاردا اؤلوم توخومو اکدیلر. آذربایجان اراضیلرینی منفور نیتلری ایله مردارلاماقلاری آزمیش کیمی، مینالارلا دا چیرکلندیردیلر.

کنددن یاییلان ویدئونو ایزلدیکجه آیدین گؤرونور کی، بورانین دا هر داشی، هر کسیی ارمنی وانداللیغینین قربانی اولوب.

۱۸-جی عصردن بری تاریخین جوربجور سیناغینا شاهدلیک ائتمیش، تاریخی گلستان مقاویله‌سینین ایمضالاندیغی گلستان قالاسی دوز ۳۰ ایل ارمنی وحشی‌لیینه شاهد اولوب. بیر زامانلار بلبل گولو، گول بلبلو چاغیران گلستان‌دان گئرییه آنجاق ویران قویولان، یاغمالانان ائولرین خارابالیقلاری قالیب. هه، بیر ده کندین هر طرفینده، گلستان قالاسینین اطرافیندا هر آددیم باشی باسدیریلمیش اؤلوم تله‌لری.

ارمنیستان سلاحلی قوه‌لری طرفیندن بورادا دا خیلی سایدا مختلیف تعیناتلی مینالار قوراشدیریلیب. گورانبویون گلستانی قوینونداکی پیادا و تانک علیهینه مینالارین آغیرلیغیندان هله ده آغیر-آغیر نفس آلیر.

اطرافلی باکو تی.وی-نین ویدئوسونو تقدیم ائدیریک: