من قیرخ اوچ ایلدیر کی، اؤز پئشه‌مله مشغولام. بو ایللر عرضینده دونیادا باش وئرن بیر چوخ محاربه‌لرین قاینار یئرلرینده اولوب، بو فاجعه‌لری ایشیقلاندیرمیشام. لاکین منه ان چوخ تأثیر ائد‌ن خوجالی سویقیریمی ایدی.

Kult.az خبر وئریر کی، بو سؤزلری ژورنالیستلره آچیقلاماسیندا دونیاشهرت‌لی فوتوژورنالیست رضا دقتی سؤیله‌ییب.

«من خوجالی فاجعه‌سینین خبرینی فرانسادا اولان زامان آلدیم و درحال اورایا یوللاندیم. بو دهشتلی سویقیریمی زامانی جدی اینفورماسییا محاربه‌سی وار ایدی. ارمنی لوببی‌سی بوتون دونیایا بو فاجعه‌نی فرقلی فورمادا تقدیم ائتمیش‌دی. بیر فوتوگراف کیمی من اینسانلارا نئجه حاقسیزلیق ائدیلدیینین شاهدی اولدوم و اونلاری فوتولئنتیمین یادداشینا کؤچوردوم. اونلارین باشینا گتیریله‌نلری بوتون دونیایا چاتدیرماق منیم عمورلوک وظیفه‌م‌دیر. آرتیق عدالت اؤز یئرینی تاپیب. ۳۰ ایله یاخین وطن حسرتینه سون قویولوب. ایکی ایلدیر کی، «خوجالی شاهیدی» آدلی وب-سایت یاراتمیشام. سایتین واسطه‌سیله همین فاجعه‌نین فوتولارینی دونیایا چاتدیریرام»،- رضا دقتی قید ائدیب.