بو گون بوتون وارلیغی ایله منصوب اولدوغو خالقا باغلی اولان، اونون آزادلیغی، استقلالی نامینه یورولمادان یازیب-یارادان قلم آداملاریندان اولان نریمان حسن‌زاده-نین ۹۳ یاشی تمام اولور.

Kult.az خبر وئریر کی معاصر آذربایجان پوئزییاسینین، عموماً ادبی-اجتماعی فکرینین گؤرکملی نماینده‌سی خالق شاعری نریمان حسن‌زاده ۱۹۳۱-جی ایل فورالین ۱۸-ده قازاخ (ایندیکی آغستافا) رایونونون پویلو قصبه‌سینده آنادان اولوب.

ابتدائی و اورتا تحصیلینی اؤز دوغما رایونلاریندا آلیب. ۱۹۴۹-جو ایلده ه. زردابی آدینا کیرووآباد دولت پداگوژی اینستیتوتونون (ایندیکی گنجه دولت اونیورسیتتینین) فیلولوگییا فاکولته‌سینه داخل اولوب. آذربایجان یازیچیلار اتفاقی اونو مسکواداکی ایکی‌ایللیک ادبیات کورسونا گؤندریر. بورانی بیتیردیکدن سونرا گورکی آدینا ادبیات اینستیتوتونا داخل اولور. بئش ایل بورادا تحصیل آلیب، باکییا قاییدیر.

خالق شاعری نریمان حسن‌زاده ادبیاتا چوخ گنج یاشلاریندا، هر شی‌دن اول لیریک شاعر کیمی گلیب. بو لیریکا طبیعی‌لیی، صمیمی‌لیی و دیل-اسلوب مکمللیی ایله ائله اولدن، سؤزون گئنیش معناسیندا، محض اونون مؤلفینه مخصوص ایدی.

اونون اثرلری کئچمیش اس.اس.ار.ای و بیر چوخ خارجی اؤلکه خالقلارینین (انگلیس، فرانسیز، آلمان، فارس، ایتالیان، چک، هند، عرب، خوروات و سایر) دیللرینه ترجمه اولونوب.

نریمان حسن‌زاده اؤتن عصرین ۵۰-۶۰-جی ایللرینده یازدیغی «قیز اوریی»، «هادی و عسگر»، «کؤرپیله صحبت»، «بیز بیر ایلده دوغولدوق»، «قادین»، «هئیبه‌ده گزن شعیر» («صابر»)، «وطنسیز»، «اسیر اوشاق»، «شاهد اول، گونش»، «نریمان»، ۷۰-۸۰-جی ایللره عاید «حسرت»، «زمرد قوشو»، «رسول حمزتووا مکتوب»، «کیمین سوالی وار؟»، ۹۰-جی ایللردن اعتباراً قلمه آلدیغی «شهید آتاسی شریف قاغایا مکتوب»، «قفقاز»، «جاوید»، «قاراباغ‌دان گلن وار»، «خاری بولبول»، «بیانات»، «پویلو - بئشییم منیم»، «قاچاق کرم»، «نورو پاشا»، «نظامی»، «سؤزو تارا وئرین» کیمی چوخ سایدا و مختلف حجملی پوئمالارینین هامی‌سیندا شاعر، بیر تاریخچی، بیر فیلسوف کیمی چیخیش ائدیب.

«نریمان» اپیک-دراماتیک پوئماسی اساسیندا حاضیرلانمیش «بوتون شرق بیلسین» تاماشاسینین اوغوروندان سونرا نریمان حسن‌زاده‌یه ایکینجی اوغورو «آتابیلر» قازاندیریب. سونرا ایسه «پومپیین قفقازا یوروشو» منظوم پیئسی تاماشایا قویولوب.

خالق شاعری ۳۴ بدیعی–پوئتیک توپلونون، «تاریخیمیز، طالعییمیز» آدلی ایری‌حجملی علمی-ادبی-تنقیدی مقاله‌لر کتابینین مؤلفیدیر. شاعرین یئددی‌جلدلیک «سئچیلمیش اثرلری» کوتلوی تیراژلا نشر اولونوب، ۱۰۰-دن آرتیق شعرینه موسیقی بسته‌لنیب.

«طالع منه شاعرلیی کؤنول دوستو وئریب»، - دئیه‌ن شاعرین قارشیداکی ایللرده ده از‌لی و ابدی «دوستو» ایله چوخ سیرداشلیق ائدجیینه و نئچه-نئچه یئنی پوئتیک نمونه‌لرله اوخوجولاری سئویندیرجیینه اینانیریق.