بو گون ملی آذربایجان تاریخی موزئیین‌ده صفویلر دولتینین بانی‌سی و ایلک حکمداری شاه اسماعیل ختاینین ۱۵۰۸-جی ایله عاید فرمانینین تقدیماتی کئچیریلیب.

Kult.az خبر وئریر کی، شاه اسماعیل ختایی‌نین ساغلیغیندا یازیلان و معاصر دوروموزه قدر گلیب چاتان ۲۰ سنددن بیری اولان بو اونیکال فرمان اینگیلتره‌نین "کریستیس" حراجیندا آلینیب، ملی آذربایجان تاریخی موزئیینه هدیه ائدیله‌جک.

تدبیرده قید اولونوب کی، بو فرمان ملی-مدنی ارثیمیزین قورونماسینا مهم تهفه‌دیر.

سؤزوگئ‌دن فرمان شاه اسماعیل ختایی طرفیندن هجری-قمری تقویمی ایله ۹۱۴-جو ایلین سفر آیینین ۲۵-ده (میلادی تقویمی ایله ۴ ایول ۱۵۰۸-جی ایل) امضالانیب. فرمانا اساساً، شاه اسماعیل ختایی پایتخت تبریزده‌کی خان احمد باغینی اؤگئی قارداشی سعید سلیمان میرزه‌یه باغیشلاییب.

فرمان ۲۰۲۴-جو ایلین آپرئل آییندا آذربایجان وطنداشی طرفیندن "کریستیس" حراجین‌دا ساتین آلینیب. فرمان اولکی صاحبی طرفیندن ۱۹۸۳-جو ایلده لندن اونیورسیتتینین شرق شناس‌لیق و آفریکاشناس‌لیق مکتبینین ایران شناس‌لیق فاکولته‌سینین پروفسورو آدریان دیوید هیو بیواردان ساتین آلینیب. او، فارس دیلینده (فارس خطاطلیغینا عایید "قارا شیکسته" آدلی یازی اصلوبو اساسین‌دا) یازیلیب.

قید ائدک کی، فرمان‌دا آدی چکیلن قیزیلباش سرکرده‌سی حسین بی له‌له گنج قارداشلار اسماعیلین و سلیمان میرزه‌نین آغقویونلو حاکمیتینین تعقیبلریندن گیزله‌نمه‌لرینه کمک ائتمکله قیزیلباش حرکاتیندا مهم رول اویناییب. بو فرمان شاه اسماعیلین ساغلیغیندا یازیلاراق معاصر دوروموزه‌دک گلیب چاتمیش، تام، مهرلو و تغرالی اولماسی ایله خصوصی اهمیت داشیییر.