بو گون گؤرکم‌لی بالرینا لیلا وکیلووانین آنادان اولماسین‌دان ۹۸ ایل اؤتور

Kult.az خبر وئریر کی، بو گون اس.اس.ار.ای خالق آرتیستی، دولت مکافاتی لاورئاتی لیلا وکیلووانین آنادان اولماسینین ۹۸-جی ایلدؤنومو تمام اولور.

لیلا وکیلووا ۱۹۲۷-جی ایل یانوارین ۲۹-دا باکی‌دا دونیایا گؤز آچیب. خوروگرافییا مکتبینده بؤیوک صنعتکار قمر آلماس‌زاده‌دن صنعتین اینجه‌لیکلرینی اؤیرنیب، ۱۹۴۳-جو ایلده‌ن آذربایجان دولت آکادمیک اوپرا و بالت تئاترینین بالت تروپاسینا سولیست قبول ائدیلیب. اختصاصینی تکمیللشدیرمک مقصدیله ۱۹۴۵-۱۹۴۶-جی ایللرده مسکوا خوروگرافییا مکتبین‌ده خصوصی کورس کئچیب، باکی‌یا قاییتدیقدان سونرا اوپرا و بالت تئاترینین آپاریجی بالت آکتریساسی کیمی چالیشیب.

لیلا وکیلووانین ایفاسی اموسیونال‌لیغی، ظریف‌لییی، جوشقون‌لوغو، چئویک‌لییی ایله سئچیلیردی. پسیخولوژی مزمونا مالک حرکتلری سانکی دیل آچیب دانیشیردی. بدلبیلینین «قیز قالاسی»ندا بؤیوک مهارتله اوینادیغی گولیاناق اینسانلارا حیات سئورلیک، پاکلیق آشیلاییردی. آ.ملیکووون «محبت افسانه‌سی» بالئتین‌ده جانلاندیردیغی شیرین اوبرازی تاماشاچیلارین قارشی‌سین‌دا درین محبت حسلرین‌دن پروازلانان اینسان ایدی. عباسوو «قاراجا قیز» بالتینی محض لیلا وکیلووا اوچون یازیب. بو اثرین خوروگرافییاسی بالرینانین یارادیجی‌لیق دیاپازونو اوچون نظرده توتولموشدو. «یئددی گؤزل»ایندکی عاییشه صورتی ایسه صنعتکارین ملی بالت صحنه‌سینده اوزون مدت لیدرلیینی تعمین ائدیب.

گؤرکم‌لی بالرینا کئچمیش اس.اس.ار.ای-نین رسپوبلیکالارین‌دا، ائلجه ده دنیانین بیر چوخ اؤلکه‌لرینده ایفاچی و بالتمیستر کیمی قاسترول سفرلرینده اولوب. ۱۹۵۹-جو ایلده مسکوادا کئچیریلن آذربایجان اینجه‌صنعتی اون گونلویونده بالرینا «قیز قالاسی»، «یئددی گؤزل» و «گولشن» اثرلرینده باش روللاردا چیخیش ائدیب. وکیلووانین مسکوا چیخیشلاری آذربایجان‌لی بالرینانین «اولدوز ساعتی» آدلاندیریلیب.

بالت اوستاسی ۱۹۵۳-جو ایلدن عمرونون سونونادک باکی خوروگرافییا مکتبینده کلاسیک رقصلر فن‌ینی تدریس ائدیب و ۱۹۹۲-جی ایلده‌ن بو تحصیل اوجاغینین بدیعی رهبری اولوب. او، همچینین ۱۹۷۶-۱۹۸۲-جی ایللرده آذربایجان دولت رقص آنسامبلینا رهبرلیک ائدیب.
لیلا وکیلووانین یارادیجی‌لیغی آذربایجان خالقینین عموم‌میلی لیدری حیدرعلیئو طرفین‌دن یوکسک قیمتلندیریلیب. بالرینانین ۷۰ ایللیک یوبیلی تدبیرین‌ده اولو اؤندر شخصاً ایشتیراک ائدیب.

گؤرکملی بالت اوستاسی لیلا وکیلووا ۱۹۹۹-جو ایل فورالین ۲۰-ده باکی‌دا وفات ائدیب، فخری خیابان‌دا دفن اولونوب.