«ایچریشهر» دولت تاریخ-معمارلیق قوروغو ادارهسی خوجالی سویقیریمینین ۳۳-جو ایلدؤنومونه حصر اولونان آنیم تدبیری کئچیریب.
Kult.az خبر وئریر کی، باکی فوتوگرافیا ائوینده کئچیریلن تدبیرده اولجه ایکینجی قاراباغ محاربهسی شهیدلرینین و خوجالی سویقیریمی قوربانلارینین خاطرهسی بیر دقیقهلیک سوکوتلا یاد ائدیلیب.
دولت تاریخ-معمارلیق قوروغو ادارهسینین اداره هیئتینین صدری رفعت محمود، یینی آذربایجان پارتیاسی سبایل رایون تشکیلاتینین صدری مختار ناغییئو، سوسیال خدمتلر آگنتلیینین صدرینین مشاویری مفتونه اسماعیلووا، فوتوگراف رضا دقتی، «ایچریشهر» آغساققاللار شوراسینین صدری علیحیدر داداشوو چیخیش ائدرک ارمنستان سلاحلی قوهلری طرفیندن خوجالیدا ملکی اهالییه قارشی تؤرهدیلهن سویقیریمین تکجه آذربایجان خالقینا دئییل، بوتون بشریته قارشی یؤنلمیش بیر جنایت اولدوغونو وورغولاییبلار.
همچینین خوجالی قربانلارینین قانلارینین یئرده قالمادیغی و خوجالینین یئنیدن دیرچلدیلهجهیی قید ائدیلیب.
تدبیرین بدیعی حیصهسینده شهیدلره حصر ائدیلهن الگییا دینلنیلیب، ائشیتمه و نطق محدودیتی اولان گنجلر ژست دیلینده «او قانلی گئجه» شعر سسلندیریب. داها سونرا اشتراکچیلار «خوجالی-یارالی روحلار» سرگیسی ایله تانیش اولوبلار.
سرگی فورالین ۲۸-دک زیارتچیلر اوچون آچیق اولاجاق، گیریش سربستدیر.