اولجه، بوتون تورک ائلینه، ائل‌جه ده Axar.az سایتینین امکداشلارینا سلام و سایقیلاریمی چاتدیریرام. ایران‌دا ۴۰ میلیون تورکون اولماسی چوخ دا آنورمال رقم دئییل. آنجاق یاخین ۱۰۰ ایلده ایراندا فارسلیق مفکوره‌سی ایله باغلی آپاریلان ایشلر اهالینین بؤیوک بیر حیصه‌سینی آسیمیلیاسییایا اوغرادیب. نتیجه‌ده ایسه تأسفله قید ائتمه‌لییم کی، میللی کیملیک و مئلییمیزی کوتله اولاراق اونوتدورورلار.

بو سؤزلری گونئی آذربایجانین اردبیل ویلایتیندن اولان میللی-مدنی فعال، شاعر حبیب ساسانییان سون گونلر جنوبدا باش وئه‌ن اولایلار، دیل پروبلمی، آنا دیلی اوچون باشلادیلان کامپانییالار حاقیندا آخار. آذ-ا دانیشارکن دئییب. او بیلدیریب کی، اعتراضلار تام اوغور قازانماسا دا، تاثیرسیز ده اؤتوشمور:

«سؤزسوز، آتیلان هر بیر آددیم یوز فایز اوغورا یؤنله‌نمه‌سه ده، میللی منلییمیزین چیچکله‌نمه‌سی و حساسلاشماسیندا مثبت رول اوینایا بیله‌جک. «هره بیر تورکجه کیتاب کامپانییاسی»نا ویرتوال و رئال دونیامیزداکی بوتون تورکلر قوشولوب. منجه، مکتبلر آچیلان گونو هر بیر میللی فعالیمیز اؤز اوشاقلاری، یاخود قوهوم-قارداشلاریندا اولان شاگیردلری وشایعیت ائد‌رک، مکتبلرین قاپیسیندان فارس دیللی کیتابلاری اوشاقلارین اللریندن آلاراق حیطه آتسا، قهر و غضبی عکس ائتدیره‌ن گؤرونتولر لنته آلیب، فوتولار چکیب بونلاری سوسیال شبکه‌لرده پایلاشسالار، آنا دیلینده تحصیل ایسته‌مکله باغلی دونیا و حاکمیته چوخ بؤیوک بیر مئساژ چاتدیرا بیلریک.

آنا دیلی اینسانلارین میللی کیملیک سندی اولاراق لازیملیدیر. بیرینجی صینیفدن تدریس اولونمالی، الیفباسیندان آکادمیک سوییه‌سینه قدر اؤیرنیلمه‌لیدیر. عائله‌لر ده بو مؤوضوعدا اوشاقلارینا یاردیمچی اولمالیدیرلار. اوشاق ادبیاتی و شعیر کیتابلارینی الده ائد‌رک، اؤولادلارینا آنا دیلیمیزین اینجه‌لیکلرینی، گؤزللیکلرینی یئترینجه اؤیرتملیدیرلر».

حبیب ساسانییان فارس دیلینین غیری-علمی دیل اولدوغونو، اتنیکلرین اورتاق دیلی کیمی ایستیفاده ائدیلمه‌سینه یارارسیز اولدوغونو قید ائدیب:
«دیلچیلیک متودلارینا اساسلاناراق دئیه بیلرم کی، فارس دیلی چوخ دایاز و غیری-علمی بیر دیلدیر. بئله بیر دیلین ایرانلیلارین اورتاق دیلی اولماسینی ایسته‌مک بوتون اتنیکلر اوچون بؤیوک جفادیر. یئرلی میللتلرین آنا دیللرینین تحصیلی واجیب دئییلسه، فارس دیلی عوضینه نیه دونیوی دیل اولان اینگیلیس دیلی اورتاق دیل کیمی تدریس اولونمور؟ بئله‌لیکله، ایران‌دا یاشایان میللتلرین ماراق دایره‌سی اؤلکه سوییه‌سین‌دن عوموم دونیا سوییه‌سینه یوکسه‌له بیلر. ایللر اؤنجه ایران‌دا بیر قزئتین «سنینله‌یم» آدلی بؤلمه‌سینده بیر سؤز یازیلمیشدی: آنا دیلینه اوز چئویرمک آتا-آنایا اوز چئویرمکدیر. والیدینین اوزونه آغ اولماقدان قورخماق لازیمدیر. ایران‌دا ایسه تورکلر یوز ایله یاخیندیر والیدینین اوزونه آغ اولورلار».

میللی-مدنی فعال گونئی‌لی شاعر و یازیچیلارین سوسیال شبکه‌ده بیرلیینی سیموولیزه ائد‌ن درنیین آچیلماسینین تؤهفه‌لر وئره بیلجیینی دئییب:

«ایران تورکلر میللی-مدنی و توپلوم حاقلارینین تاپدانماسی حاقدا یازیب، موختلیف دیللره چئویره‌رک، یایمالیدیرلار. ایران‌دا سوسیال مئدیالارین ایچینده «تلگرام» بیرینجی یئرده قرارلاشیب. Axar.az سایتی تلگرامدا «گونئی یازیچیلاری و شاعرلر بیرلییی» آدی آلتیندا قروپ، یاخود درنک یارادیب، گوجلو رکلامی ایله مشغول اولسا، چوخ بؤیوک ماراغا سبب اولا بیلر.

و سون سؤزوم اولاراق:

آچیلدی مکتبلر، قورولدو درسلر
یئنه آنا دیلیم قالدی آناملا
ایسلام اؤلکه‌سینده ۴۰ میلیون تورکون
وارلیغی دنیزدیر، دیلیسه داملا».