۱۹۷۸-جی ایل فئورالین ۱۸-ی تبریزلیلرین پهلوی رئژیمینه قارشی گئنیش میقیاس‌لی نماییشلری تاریخده "۲۹ بهمن" عصیانی کیمی قید ائدیلیب. بو تاریخی حادثه‌نی ملا حاکمیتینین منیمسه‌مه‌سینه باخمایاراق، قیامین خمینییه هئچ بیر عایدیاتی اولماییب.

Axar.az خبر وئریر کی، بو سؤزلری "۲۹ بهمن" عصیانین اشتراکچی‌سی، حاضردا فرانسادا مهاجیرت‌ده یاشایان تانینمیش گونئی‌لی سیاسی فعال، تدقیقاتچی و "آذربایجان و شریعتمداری طرفدارلارینین حرکاتی" کیتابینین مؤلفی ماشاللاه رزمی دئییب.

او بیلدیریب کی، تبریز قیامی شریعتمداری طرفدارلارینین تشببوسو و تشکیلاتچیلیغی ایله باش توتوب.

"او واختلار اعتراض آکسییالاری او قدرده گئنیش ووسعت آلمامیشدی. نماییشلر طلبه‌لر، ایشچیلر و بیر سیرا سیاسی قوروملار طرفیندن کئچیریلیردی. آنجاق تبریز قیامی عمومی بیر حرکات اولدو. تورکلر ایراندا مین ایل حکومت ائدیبلر. ایران‌دا تاریخی حادثه‌لرین تورکلرین طرفین‌دن اورتایا چیخماسی یئنی بیر مسئله دئییل. هر زامان بئله اولوب. دوست و دوشمن بیلیر کی، ایراندا اساس دییشیکلیکلر تورکلرین الی ایله اولوب."

رزمی روح‌الله خمینینین او واختا کیمی حرکاتا جدی تأثیرینین اولمادیغینی، اونون طرفدارلارینین ایسه گئنیش نماییشلر تشکیل ائده بیلمدیکلرینی دئییر.

"تبریز قیامینا قدر آکسییالاردا اشتراک ائد‌نلر عمومیتله توپلومداکی یوخسوللار، خالچا توخویانلار و ایشچیلر ایدی. حرکاتین موتورو تبریز بازاری ایدی و بازارین آداملاری شریعتمدارینین تقلیدچیسی ایدیلر، خمینینی هئچ تانیمیردیلار. خمینینین سؤزو ایله یوخ شریعتمدارینین سؤزو ایله بازاری باغلادیلار.»

«تبریزده‌کی اولایلاردا بیر چوخ اؤلن، یارالانان و توتولان اولدو و بونون اوزرینده باشقا شهرلرده ده حرکته کئچدیلر. تبریز حادثه‌لرینین قیرخی باشقا شهرلرده کئچیریلدی... و بو قیرخ مراسیملری اسلام انقلابینا قدر داوام ائتدی... دئمک اولار کی، انقلابین باشلانیشی ۲۹ بهمن (۱۸ فورال ۱۹۷۸) تبریزده اولور و بیر ایلده‌ن سونرا نتیجه وئریر و رژیم ییخیلیر،» دئیه ماشاللاه رزمی باش وئرنلری تصویر ائدیر.