هاتای مصطفی کمال اونیوئرسیتئتی (مکو) تیبب فاکولته‌سینین طبی میکروبیولوگییا بؤلومونون دئکانی، پروفسور نظامی دوران و علمی قروپو طرفین‌دن آپاریلان آراش‌دیرمادا قاتیق و سویونون قریپ و یا سویوقدیمه‌یه قارشی قورودوغو تثبیت ائدیلیب.

آخار. آذ خبر وئریر کی، ن. دوران ائتدیی شرح‌ده قریپ‌دن اول قورونمالارلا باغلی اهمیت‌لی تاپینتیلار الده ائتدیکلرینی سؤیله‌یه‌رک دئییب:

«ایچری‌سین‌ده چوخ سای‌دا باکتئرییا اولان قاتیق و سویو اوزرین‌ده چالیشدیق. حیوانلار اوزرین‌ده تجروبه‌لردن چوخ تعجب‌لو نتیجه‌لر الده ائتدیک. اینفئک‌سییالاردان قورونمانین ان اهمیت‌لی قولون‌دان بیری اولان ایممونیتئت سیستئمینی یارادان ایممونوگلوبولینلئردیر، یعنی آنتی‌جیسیملردیر.

آپاردیغیمیز آراش‌دیرمادا ۲-۱۰ قات آراسی قورویوجو آنتی‌جیسیملرین (قورویوجو مایئلر) قاتیق یئیه‌ن حیوانلاردا یوکسک اولدوغونو تثبیت ائتدیک. بو، قاتیقلا بس‌لنه‌ن جان‌لیلارین، قریپ باش‌دا اولماقلا، اوست تنففوس یولو اینفئک‌سییالارینا قارشی ۱۰ قاتا قدر داها یوکسک نیسبت‌ده قوروندوغو معناسینی وئریر.

قریپ جدی بیر تنففوس یولو خسته‌لیگی‌دیر. اساساً مایالانمیش ۲۴ ساعت‌لیق قاتیق و یا سویونو ایچمک، قریپ باش‌دا اولماقلا، بنزر تنففوس یولو اینفئک‌سییالارین‌دان اینسانی قورویور».