بعضی اینسانلار اؤزباشینا کوروناویروس ایله موباریزه مقصدی ایله مالیارییا علیهینه درمانلاردان ایستیفاده ائدیرلر.

شرقی آذربایجان ساغلام‌لیق مرکزینین یولوخوجو خسته‌لیکلرین قارشی‌سینین آلینماسی مرکزینین صدری سیمین خیات‌زاده بونونلا باغلی دانیشیب. اونون سؤزلرینه گؤره، ویتامینلر کیمی گوجلندیریجی درمانلاردان مقبول میقداردا ایستیفاده ائتمک اولار:

«کورونانین قارشی‌سینی آلماق اوچون آنتی-مالیارییا درمانلارینین ایستیفاده‌سی چوخ سهودیر. شدت‌لی یان تأثیرلری اولان آنتی-مالیاریا درمانی نئچه آی ایستیفاده ائدیله بیلر؟ هکیمین توصیه‌لرینه عمل ائتمه‌سه‌لر ده، بو درمانین یان تسیرلرینی موبیل تئلئفونلاری ایله آختاراراق اؤیره‌نه بیلرلر. باشقا بیر خستلیین قارشی‌سینی آلماق اوچون یان تأثیرلی درمانلارلا حیاتیمیزی ریسکه قویماق هئچ ده دوزگون دئییل. خصوصیله کورونانین درمانی اوچون آنتی-مالیارییا وسایتلرین‌دن ایستیفاده ائتمک علمی اساس‌سیزدیر. ماغازالاردا، چؤرک بیشیریجیلرین‌ده و تاک‌سیلرده اجتماعی مسافه‌نی ساخلاماق کیمی ساغلام‌لیق توصیه‌لرینی سئچمک و تعقیب ائتمک کورونانین قارشی‌سینی آلماق اوچون اؤزباشینا درمان قبول ائتمک‌دن داها آسان و داها آز زررلی‌دیر. بیز ائوده قالا بیلریک و یالنیز لازیم اولدوق‌دا ائوده‌ن چیخا بیلریک. بو درمان بعضی حاللاردا علاوه کؤمک‌چی کیمی ده ایستیفاده اولونور، لاکین اونون ۱۰۰% تأثیری هله ثبوت اولونماییب. بیز تقویتئدیجی درمانلارین حدین‌دن آرتیق ایستیفاده‌سین‌دن ناراهاتیق. یاغ‌دا حل اولان بعضی ویتامینلر زهرلی‌دیر و بؤی‌رکلری آغیرلاشمالارا سبب اولا بیلر».