مجلیسین آراشدیرما مرکزی کوروناویروسلا باغلی تخمینلر ایر‌لی سوروب.

تخمینلرده ۶۰۰ مین خسته و ۸۶۰۰ اؤلوم حاللارینین اولا بیلجیی، حقیقی سایین گؤستریله‌ن ایستاتیستیک نتیجه‌لردن ۸-۱۰ دفعه چوخ اولدوغو بیلدیریلیب.

مرکزدن وئریله‌ن معلوماتا گؤره، صحیه ناظیرلیینین «ائپیدئمیولوژی ایشچی قروپونون» مدللشدیرمه‌سی اساسین‌دا ایران‌دا دؤولتین هئچ بیر مداخیله‌سی اولمادان ۶۰ میلیون اینسان ویروسا یولوخاجاق.

بو دورومدا کوروناویروس ۴۰۰ گوندک اؤلکه‌ده قالاجاق. نویابرا قدر ان یوکسک حده چاتا بیلر.

مدلشدیرمه گؤزلنتیلرینه اساساً، اهالینین ۴۰ فایزینین اؤزونو ایزوله ائدجیی، ۸۱۱ مین اینسانین ویروسا توتولاجاغی، ۶ مین نفرین ایسه اؤلجیی گؤزلنیلیر.