دونیانی جنگینه آلان کوروناویروس پاندئ‌مییاسی باره‌ده بیر چوخ عالیملر، پروفسورلار علمی اساسلاندیریلمیش معلوماتلار چاتدیریر.

اصلا جنوبی آذربایجان‌دان اولان، آلمانییا "بین الخالق هومانیتار طبی یاردیم" تشکیلاتینین آذربایجان اوزره رهبری، آمریکا میر هومانیتار طبی جمعیتینین رهبری، پروفسور آغابی آذربایجانی کوروناویروسون نئجه بیر ماده‌دن عبارت اولماسی و نلردن محو ائدیله بیلجیینی آچیقلادی.

آخار. آذ پروفسورلا مصاحیبه‌نی تقدیم ائدیر:

- پروفسور، بیر چوخ عالیملر یئنی کوروناویروسون داورانیشینی و اینسانا تأثیرینی ایزله‌یه‌رک، اونون چوخ عقل‌لی بیر پروگراما مالیک ویروس اولدوغونو بیلدیریر. بو ویروس ندن عبارتدیر، ترکیبی ندیر، جان‌لیدیر، جان‌سیزدیر؟ بو باره‌ده علم نه دئییر؟

- بو مؤوضوعدا من ده آیلاردیر تدقیقات آپاریرام. دونیاجا مشهور جون هوپکینس و هاروارد اونیورسیتتیتلرینین عالیملری آراسین‌دا کوروناویروسون جان‌لی و یا جان‌سیز اولماسی باره‌ده موباحثه‌لر گئدیر.
هوپکینس اول دئییردی کی، کورونا یاشایان، دیری، جان‌لی بیر شئی دئییل. هاروارد دئییر کی، بو ویروس اینسان اورگانیزمینه کئچه‌نده یاشایان بیر شئیه چئوریلیر. یعنی گئنئتیک کودو دییشیر. اما جان‌لی بیر ویروس‌دور، یا دئییل، هله ده سوال آلتین‌دادیر. گؤروندویو اودور کی، بو ویروس چوخ عقل‌لی‌دیر، مرکب‌دیر، سیرلی وارلیق‌دیر.

کوروناویروسون شکیلینی چکمیشم و میکروسکوپ آلتین‌دا دا چکیله‌ن رسمین‌ده گؤرونور: کوره فورمالی، کیچیک تاج کیمی چیخینتیلاری اولان بیر "بده‌ن‌دن" عبارت‌دیر.

ویروسون اساس حیصه‌سی، ایچریسی، مولئکولو دییشیک پروتینلردن عبارت‌دیر: اونون اطرافینی اؤرته‌ن خاریجی قیشا ایسه لیپیددیر (یاغدیر). بو ویروس رنا-دان تشکیل اولونوب. اونون دی ان آ-سی یوخ‌دور. بو دییشیک پروتئین پارچالاری اینسانا یاد مولکول دئییل اصلین‌ده.

ویروس آغیز، بورون، گؤزون سئلیکلی قیشاسین‌دان ایچری کئچه‌ن کیمی گئنئتیکاسی دییشیر، سئلیک‌لی قیشایا بو لیپید ترکیب‌لی چیخینتیلاری ایله سیخ یاپیشیر.