آمریکا لابوراتورییالارینین اکثریتین‌ده بوتون تدقیقاتلار، دئمک اولار کی، دایاندیریلیب و ساده‌جه، کوروناویروسلا باغلی آراشدیرما آپاریلیر.

آخار. آذ خبر وئریر کی، بونو چیکاقو اونیوسیتتینین مولکولیار مهندیس‌لیک فاکولته‌سینین آذربایجانلی دوکتورانتی آسلان منصوروو رپورت-آ گئنیش مصاحیبه‌سین‌ده دئییب. او بیلدیریب کی، تمثیل اولوندوغو علمی قروپ کوروناویروسا قارشی پیوند حاضیرلاییر:

«تمثیل اولوندوغوم علمی قروپون رهبری جفری هوبئل بیومهندیس‌لیک و ایممونولوگییا ساحه‌سی اوزره دونیانین ان آپاریجی اکسپئرتلریندن بیریدیر. حاضردا تخمیناً ۷-۸ نفردن عبارت بیر آراشدیرما قروپوموز وار. تجروبه، علمی بیلیکلریمیز و بین الخالق نشرلرده درج اولونان مقاله‌لریمیزی نظره آلاراق بیزی بیر آرایا گتیریبلر. آرتیق اوچ ایلدیر بورادایام و لابوراتورییانین ان تجروبه‌لی ایشچیلرین‌دن بیرییه‌م. آمریکانین میللی صحیه اینستیتوتو کوروناویروسا قارشی ایستیفاده ائدیله‌جک واکسینین حاضرلانماسی اوچون چوخ بؤیوک وسایت خرجلییر. حاضردا بوتون لابوراتورییالار گوجلندیرلیمیش ایش رژمین‌ده ایشلییر و بیر-بیریلری ایله رقابت آپاریرلار. لابوراتورییامیزدا کوروناویروس واکسینینین حاضرلانماسی ایستیقامتین‌ده ایشلر داوام ائدیر. آرتیق ایلک مرحله‌نی کئچمیشیک و گلن هفته‌دن اعتباراً واکسینی سیچانلار اوزرینده سیناقدان کئچیرجییک. حساب ائدیریک کی، کوروناویروسا قارشی حاضیرلادیغیمیز واکسین بو اینفکسییایا قارشی مباریزه‌ده داها گوجلو بیر واسطه اولاجاق».

گنج عالیم خرچنگه قارشی یئنی ایممونوپرئپارات حاضیرادیقلارینی دا قئید ائدیب:

«ایممونوتئراپییا خرچنگ خسته‌لرینین ایممون سیستمینی گوجلندیره‌رک خرچنگ حجئیره‌لرینه تأثیر ائدیر. خرچنگ خسته‌لیینین معالیجه‌سین‌ده تطبیق اولونان عنعنوی مئتودلار کیمیاتراپییا و شعالاندیرمادیر. همین واسطه‌لر بیرباشا خرچنگ حجئیره‌لرینه تأثیر ائدیر، عینی زامان‌دا اورقانیزمه جدی ضرر وئریر. بیزیم یاناشمامیز ایسه فرق‌لی‌دیر. بیز اورقانیزمین آغ قان حجئیره‌لرینه تأثیر گؤسترمکله اونلاری خرچنگه قارشی آکتیولشدیریریک. بو متود عنعنوی معالیجه‌دن داها اوستون‌دور و داها اوغورلو نتیجه‌لره گتیریب چیخاریر. منیم باره‌م‌ده سوسیال شبکه‌لرده یاییلان خبرلرین آلتینا اونسوز دا خرچنگین معالیجه‌سینین تاپیلدیغینی یازیرلار. ساده‌جه، بونو گیزلتمه‌یه چالیشیرلار. آنجاق امین‌لیکله بو فرضییه‌لرین یالان اولدوغونو دئمک ایستییرم. آمریکا ایلده ۵۰ میلیارد دلار یالنیز خرچنگ خسته‌لیینین معالیجه‌سینین تاپیلماسینا آییریر».